निलो मसि 
काठमाडौं : ला लिगा च्याम्पियन बार्सिलोना युइएफए च्याम्पियन्स लिगको क्वार्टरफाइनलबाटै बाहिरिएको छ।
ला लिगा प्रतिद्वन्द्वी एट्लेटिको डी मड्रिडसँग ३–२ को समग्र हार बेहोर्दा बार्सिलोनाको यात्रा अन्तिम आठमै रोकिएको हो।
गएराति मेट्रो पोलिटानोमा बार्सिलोनाले घरेलु टोलीलाई २–१ ले हरायो। बार्सिलोनाका लागि लामिन यमाल र फेरान टोरेसले गोल गरे।
एट्लेटिकोका लागि एडेमोला लुकम्यानले एक गोल फर्काए। त्यसपछि कुनै पनि गोल भएन र एट्लेटिकोले अन्तिम चारमा आफ्नो स्थान बनायो। यसअघि बार्सिलोनाले घरेलु मैदानमा २–० को अप्रत्याशित हार बेहोरेको थियो।
मंगलबार मध्यराति नै भएको अर्को क्वार्टरफाइनलमा इङ्लिस महारथी लिभरपुलमाथि ४–० को समग्र जित हासिल गर्दै साबिक विजेता पेरिस सेन्ट जर्मन (पिएसजी)ले पनि अन्तिम चारमा आफ्नो स्थान पक्का गर्यो।
एट्लेटिकोले अब सेमिफाइनलमा आर्सनल र स्पोर्टिङ लिसबनबीचको विजेतासँग खेल्नेछ। यी दुई बुधबार मध्यराति क्वार्टरफाइनलको दोस्रो लेगमा आमने–सामने हुँदैछन्। थाहा खबर
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया