निलो मसि 
कृष्णनगर, २४ चैत्र ।
कपिलवस्तुको वरगदामा काली मन्दिर तोडफोडपछि उत्पन्न भएको तनावका क्रममा प्रहरीको गोली लागेर एक युवकको मृत्यु भएपछि उक्त घटनाले राजनीतिक र सामाजिक रूपमा गम्भीर ध्यान आकर्षित गरेको छ ।
प्रतिनिधिसभा सदस्य अभिषेक प्रताप शाहले मंगलबार संसद बैठकमा यस घटनाबारे गम्भीर चासो व्यक्त गर्दै मृतकलाई सहिद घोषणा गर्न माग गरेका छन् । उनले घटनाको निष्पक्ष र उच्चस्तरीय छानबिन गर्न सरकारसँग आग्रह गरे ।
प्रहरीको गोली लागेर गम्भीर घाइते भएका अरुण यादवको उपचारका क्रममा सोमबार (चैत २३) मृत्यु भएको थियो । यस घटनाले स्थानीय क्षेत्रमा आक्रोश बढाएको छ भने मानवअधिकार र सुरक्षा निकायको भूमिकाबारे प्रश्न उठेको छ ।
सांसद साहले संसदमा बोल्दै भने, “यस घटनाको गम्भीर छानबिनका लागि गृहमन्त्रीको निर्देशनमा उच्चस्तरीय छानबिन गरी दोषीमाथि कडा कारबाही गरिनु आवश्यक छ।” उनले दोषी जोसुकै भए पनि कानुनी दायरामा ल्याउनुपर्नेमा जोड दिए ।
यसका साथै उनले घाइतेहरूको निःशुल्क र प्रभावकारी उपचारको व्यवस्था गर्न तथा मृतकका परिवारलाई उचित क्षतिपूर्ति उपलब्ध गराउन पनि माग गरेका छन् ।
घटनापछि स्थानीय क्षेत्रमा सुरक्षा सतर्कता बढाइएको छ भने सरकारमाथि सत्यतथ्य सार्वजनिक गर्न र न्याय सुनिश्चित गर्न दबाब बढ्दै गएको छ ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया