निलो मसि 
बहादुरगञ्ज, बैशाख २४ ।
कपिलवस्तुको कृष्णनगर नगरपालिका–८ स्थित चेकप्वाइन्टदेखि पश्चिम बजारतर्फ जाने सडकको कालोपत्रे तथा आरसीसी निर्माण कार्य आजदेखि सुरु गरिएको छ। सडक निर्माण कार्यको शिलान्यास नगरप्रमुख रजत प्रताप शाहले गर्नुभएको हो।
शिलान्यास समारोहमा बोल्दै नगरप्रमुख शाहले नगरको समग्र विकासमा पालिका सक्रिय रहेको बताउनुभयो। उहाँले वर्षायाममा आवतजावतमा समस्या हुने स्थानीयको समस्या समाधान हुने विश्वास व्यक्त गर्नुभयो।
कुल करिब ७८० मिटर लम्बाइको सडक निर्माण गर्न लागिएको हो, जसमा पक्की नालीसहितको आरसीसी तथा कालोपत्रे सडक निर्माण गरिनेछ। नगरप्रमुख शाहका अनुसार परियोजनाको कुल अनुमानित लागत २ करोड ४३ लाख १३ हजार २ सय १४ रुपैयाँ रहेको छ। निर्माण सम्झौता रकम भने १ करोड ६२ लाख ८८ हजार ३ रुपैयाँ रहेको छ।
यस परियोजनाका लागि स्थानीय तहको राजस्व बाँडफाँटबाट १२ लाख ४० हजार, समानीकरण अनुदानबाट ९२ लाख ६० हजार, र प्रदेश समपूरक अनुदानबाट १ करोड ५ लाख रुपैयाँ विनियोजन गरिएको छ।
सडक निर्माण कार्य के.बी. इन्फ्रास्ट्रक्चर डेभलपमेन्ट प्रा.लि. र एन.बी. कन्स्ट्रक्सन जे.भी. को संयुक्त साझेदारीमा सम्पन्न हुनेछ। निर्माण कम्पनीका व्यवस्थापक मिलन बिकका अनुसार परियोजना तोकिएको समयभन्दा अगावै सम्पन्न गर्ने लक्ष्यसहित काम सुरु गरिएको छ।
प्राविधिक इन्जिनियर विनय गुप्ताका अनुसार २६० मिटर आरसीसी सडक, ५२० मिटर कालोपत्रे सडक तथा दुबैतर्फ ढकनसहितको नाली निर्माण गरिनेछ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया