भुपाल थापा 
छविलाल पाण्डे, बागलुङ। गयरातिको अविरल बर्षातका कारण पश्चिम बागलुङमा ठुलो धनजनको क्षति भएको छ । बाढि पहिरोका कारण जिल्लाको निसीखोला गाउँपालिका १ हर्पमा एक घर पहिरोले बगाउँदा एक वालकको ज्यान गएको छ ।
रातको करिब एक बजेतिर घर माथिदेखि आएको पहिरोका कारण कमल परियारको घर पहिरोले बगाएको हो । घर पुरिँदा कमल परियारका ३ बर्षिय छोरा तोरण परियारको घटना स्थलमै ज्यान गएको छ । परियारकि श्रीमतीलाई स्थानियले उद्धार गरेका छन् । घर पूर्ण रुपमा क्षति भएको छ ।
त्यसैगरी , तमानखोला गाउँपालिका वडा नं.२ खोलेसबाङमा घर माथिदेखि आएको पहिरोले घर पुरिँदा दुई बालबालीकाको ज्यान गएको छ ।
गयराती साढे १ बजेतिर घरमाथिदेखि सडक भासिएर आएको पहिरोका कारण स्थानिय पान बहादुर बिकको घरमा पूर्ण क्षेति पुर्याउनुका साथै निजकै १३ बर्षिय छोरा खिमबहादुर बिक र १२ बर्षिय छोरी रिता विकको पहिरोले पुरिएर ज्यान गएको स्थानिय चुडामणी छन्त्यालले बताउनु भयो ।
पान बहादुर बिककी श्रीमती होमकुमारी बिकलाई घाइते अवस्थामा उद्धार गरीएको छ । उहाँको खुट्टामा चोट लागेको छ । विहान ६ बजेमात्रै पुरिएकाहरुको शव निकालीएको बोङगादोभान प्रहरी चौकि प्रमुख पदमबहादुर नेपालीले बताउनु भयो । पान बहादुर नेपाली बैदेशिक रोजगारीको क्रममा रहेको जनाइएको हो । सोहि पहिरोका कारण फुलमाया कामीको घरमा पूर्ण क्षति पुर्याएको छ ।
त्यसैगरी ढोरपाटन नगरपालिका वडा नं.२ अर्नाकोटमा समेत एक घरमा पहिरोले उच्च जोखिममा पुर्याएको छ ।स्थानिय मनबहादुर खत्रीको घर माथिदेखि आएको पहिरोका कारण घर उच्च जोखिममा रहेको हो । त्यसैगरी वडिगाड गाउँपालिका वडा नं.७गाँवमा एक घरमा क्षति पुगेका जनाइएको छ । घरमाथिदेखि आएको पहिरोका कारण सन्तबहादुर केशिको घर पूर्ण रुपमा क्षेति भएको जनाइएको छ ।
वडा नं.७ कै घोकर्णामा समेत एक घरमा क्षेति पुगेको दिनेश सर्माले बताउनु भयो । वडिगाड गाउँपालिका वडा नं. ६ सिस्नेरीमा मध्यपहारी लोकमार्ग माथिदेखि गएको पहिरोका कारण लोकमार्ग पूर्ण रुपमा अवरुद्ध भएको छ ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया