निलो मसि 
कपिलवस्तु, ८ भदौ ।
कपिलवस्तुकाे विजयनगर गाउँपालिकाका एमालेबाट निर्वाचित उपाध्यक्ष लक्ष्मी कुमारी चौधरी र वडा नम्बर ५ का अध्यक्ष अनवर मोहम्मद मुसलमानले राष्ट्रिय स्वतन्त्र पार्टी (रास्वपा)को सदस्यता लिएपछि स्थानीय राजनीतिक वृत्तमा विवाद चुलिएको छ । दुवैले भदौ ५ गते रास्वपाको सदस्यता लिएको सार्वजनिक विवरणमा उल्लेख छ ।
सदस्यता लिएको विषय सार्वजनिक भएपछि रास्वपाको विजयनगर समितिमा सदस्यता प्रक्रियाको गोपनीयता र प्रक्रियाबारे प्रश्न उठेको छ । सामाजिक सञ्जालमा विजयनगर सभापति लोकेश थापाले ‘सदस्य दिलाउँदा विजयनगर समितिसँग कसैले सल्लाह नगरेको’ र ‘गोपनीयता भंग कसले गरेको हो भन्ने जानकारी नभएको’ भन्दै घटनाको सूक्ष्म छानबिन गरी दोषीमाथि कारबाही हुनुपर्ने बताएका छन् ।
उनले सार्वजनिक गरेको अभिव्यक्तिमा सदस्यता प्रदान गर्ने क्रममा स्थानीय समितिसँग समन्वय भए-नभएको तथा सदस्यता विवरण कसरी बाहिर आयो भन्ने विषयमा छानबिन आवश्यक रहेको संकेत गरेका छन् ।
रास्वपामा प्रवेश गरेको भनिएका चौधरी विजयनगर गाउँपालिकाकी उपाध्यक्ष हुन् भने मुसलमान वडा नम्बर ५ का अध्यक्ष हुन् । गाउँपालिकाको आधिकारिक वेबसाइटमा समेत उनीहरू क्रमशः उपाध्यक्ष र वडाध्यक्षका रूपमा सूचीकृत छन् ।
दुबै जनाले एमालेबाट निर्वाचित भएर स्थानीय तहको जनप्रतिनिधिको जिम्मेवारी सम्हालिरहेका अवस्थामा रास्वपाको सदस्यता लिएपछि राजनीतिक दल परिवर्तन र जनप्रतिनिधिको हैसियतसम्बन्धी विषयसमेत चर्चामा आएको छ । २०७९ को स्थानीय तह निर्वाचनमा मुसलमान एमालेबाट वडा नम्बर ५ को अध्यक्षमा निर्वाचित भएका थिए ।
घटनाबारे रास्वपा विजयनगर समितिको औपचारिक धारणा भने सार्वजनिक रूपमा स्पष्ट भइसकेको छैन ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया