भुपाल थापा 
पर्सा – वीरगञ्ज महानगरपालिकाका प्रमुख विजय सरावगीलाई कोरोना सङ्क्रमण देखिएको छ ।
काम विशेषले काठमाण्डौ आएका महानगर प्रमुखलाई बाटोमा हल्का ज्वरो र घाँटीमा समस्या देखिएपछि परीक्षण गर्दा रिपोर्ट पोजेटिभ आएको हो ।
कोरोना पोजेटिभ भएको रिपोर्ट आएपछि उहाँले आफू आइसोलेशनमा बसेको सामाजिक सञ्जालमार्फत जानकारी गराउनुभएको छ ।
आफूले वीरगञ्ज बासीलाई कोरोना भाइरसको सङ्क्रमणबाट बचाउन हर-सम्भव प्रयास गरे पनि समुदायस्तरमै फैलिएको र आफू पनि सङ्क्रमित भएको बताउनुभएको छ । उहाँले समयमा नै एक घर एक परीक्षण अभियान हुन नसक्दा नै वीरगञ्जमा कोरोना सङ्क्रमण फैलिएको दाबी गर्नुभयो ।
उहाँले अब पालिकाले मात्रै कोरोना सङ्क्रमण नियन्त्रण गर्न नसक्ने भन्दै सङ्घीय र प्रदेश सरकारलाई ठोस योजना ल्याउन आग्रह पनि गर्नुभयो ।
यस्तै वीरगञ्ज महानगरपालिकाका प्रमुख सरावगीले आफू कोरोना जितेर फेरि नागरिकको सेवामा फर्कने प्रतिवद्धता पनि व्यक्त गर्नुभएको छ ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया