भुपाल थापा 
काठमाण्डौ – सिप्रदी ट्रेडिङ्ग प्रालि र हिमालयन बैंक लिमिटेडबीच टाटाका कमर्शियल र प्यासेन्जर गाडीको खरिदमा सहुलियत दरमा कर्जा उपलब्ध गराउने सम्झौता भएको छ ।
सम्झौतापत्रमा सिप्रदीकाे कमर्शियल भेहिकलकातर्फबाट जनरल म्यानेजर अनुपमणि ढकाल तथा हिमालयन बैंकका तर्फबाट कार्यकारी अधिकृत जयेन्द्र विक्रम शाहले हस्ताक्षर गर्नुभएको हो ।
सम्झौताअनुसार हिमालयन बैंकले देशभरका शाखामार्फत सिप्रदीकाे देशभरका शोरुम तथा आधिकारिक डिलरबाट कमर्शियल गाडी खरिदमा ७० प्रतिशतसम्म र प्यासेन्जर गाडी खरिदमा ८० प्रतिशतसम्म अति न्यूनतम ब्याजदरमा कर्जा उपलब्ध गराइने छ ।
केही दिनअघि टाटा मोटर्स लिमिटेडले सिप्रदी ट्रेडिङ्गसँगको सहकार्यमा टाटा इन्ट्रा भी २० गाडी नेपाली बजारमा ल्याएको थियो । सहज र सरल कर्जासम्बन्धी सहकार्यले टाटाको नयाँ कमर्शियल र प्यासेन्जर गाडीका ग्राहकहरुलाई फाइदा पुग्ने विश्वास दुवै पक्षले लिएको छ ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया