निलो मसि 
भाेला गुप्ता
विजयनगर, १६ बैशाख ।
कपिलवस्तुको विजयनगर गाउँपालिका-५ अन्तर्गत चरगंहवा क्षेत्रबाट भारतबाट अवैध रूपमा भन्सार छली गरी नेपाल ल्याइएको ब्रोइलर कुखुरा, तयारी मासु र मोटरसाइकल प्रहरीले बरामद गरेको छ ।
इलाका प्रहरी कार्यालय गणेशपुरका अनुसार पूर्व-पश्चिम हुलाकी सडक खण्डको दक्षिण छेउमा बेवारिसे अवस्थामा राखिएको सामग्री फेला परेको हो । प्रारम्भिक अनुसन्धानका क्रममा भारतीय नम्बर प्लेट युपी ४३ एपी ३२९० नम्बरको मोटरसाइकलमार्फत चोरी पैठारी गरी ल्याइएको ५ वटा ब्रोइलर कुखुरा र करिब ५० केजी तयारी मासु बरामद गरिएको प्रहरीले जनाएको छ ।
बरामद सामग्रीमध्ये कुखुरा र मासु पशु स्वास्थ्य तथा पशु सेवा ऐन २०५५ तथा पशु नियमावली २०५६ को दफा ९ र १० अनुसार नष्ट गरिएको प्रहरी निरीक्षक महेश कुमार आचार्यले जानकारी दिए ।
उनका अनुसार प्रति कुखुरा रु.१ हजारका दरले ५ ओटा कुखुराको मूल्य रु.५ हजार र प्रति किलो रु.४ सयका दरले ५० केजी तयारी मासुको मूल्य रु.२० हजार गरी जम्मा रु.२५ हजार बराबरको सामग्री नष्ट गरिएको हो । साथै बरामद गरिएको मोटरसाइकलको अनुमानित मूल्य रु.६० हजार रहेको प्रहरीले जनाएको छ ।
उक्त कुखुरा र मासु इलाका प्रहरी कार्यालय गणेशपुरको पूर्वतर्फ रहेको बाँझो जमिनमा खाडल खनी माटोले पुरेर नष्ट गरिएको प्रहरीले जनाएको छ ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया