निलो मसि 
चन्द्रौटा , कपिलवस्तु ।
मंगलबार सांझ पाल्पाको अर्गेलीमा कार दुर्घटना हुँदा ५ जना घाइते भएका छन् ।
दशैंको टीका थाप्न गुल्मीको तम्घास जाने क्रममा कपिलवस्तु शिवराज न.पा. ५, चन्द्रौटा निवासी, राजहंस इन्फोसिस एण्ड आईटी सोलुसन्सका प्रबन्धक माधव घिमिरेको परिवार दुर्घटनामा परेको हो ।
घाइते हुनेमा माधवसहित बुवा खुमराज घिमिरे, आमा बीना घिमिरे, बैनी स्वस्तिका घिमिरे र रामापुर निवासी माधवका फुपाजु रहेका छन् । घाइतेमध्ये आमाको अवस्था अन्यभन्दा अलि बढी गम्भीर रहेको भाइ दीपक घिमिरेले जानकारी दिएका छन् । आमालाई अहिले काठमाडौंस्थित नर्भिक इन्टरनेशनल अस्पतालमा भर्ना गरी उपचार भइरहेको दीपकले बताए ।
अन्य घाइते सबैलाई पाल्पा मिसन अस्पतालमा सामान्य उपचारपछि थप उपचारको लागि बुधबार बिहान काठमाडौं रिफर गरिएको बताइएको छ ।
बा २१ च ६८०५ नम्बरको निजी कारबाट तम्घास जाने क्रममा अनियन्त्रित भइ सडकबाट डेढ सय मिटर तल खसेको घाइते माधव घिमिरेले जानकारी दिए । पानी परेकाले सडकमा भएको खाल्टाखुल्टी नदेखिएर कार अनियन्त्रित भइ दुर्घटना भएको बताइएको छ । अहिले घाइते सबैको अवस्था खतरामुक्त रहेको बताइएको छ ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया