निलो मसि 
कपिलवस्तुको वाणगंगा बुद्ध रंगशाला चारनम्बर जितपुरमा जारी ११ औँ कपिलवस्तु महोत्सवको तेस्रो दिन शनिबार चर्चित कलाकार संगै दर्शक झुमेका छन् । महोत्सवको तेस्रो दिन शनिबार चर्चित कलाकारको प्रस्तुती रहेको थियो ।
शनिबार चर्चित सदाबहार गायक सुगम पोख्रेल, वरिष्ठ लोक तथा दोहोरी गायक प्रजापति पराजुली, चर्चित लोक तथा दोहोरी गायिका सन्ध्या बुढा मगर ‘काउली बुढी’ लगायतका कलाकारको प्रस्तुती संगै दर्शक झुमेका हुन् । महोत्सवको तेस्रो दिन शनिबार पनि परेकाले दर्शकको उल्लेख्य सहभागिता रहेको आयोजकले जनाएको छ । यस्तै आइतबार वरिष्ठ लोक तथा दोहोरी गायक प्रजापति पराजुली, चर्चित गायक तथा मोडल दुर्गेश थापा लगायतका कलाकारको प्रस्तुती रहने छ । महोत्सवको तेस्रो दिन शनिबार १५ हजार दर्शकले मेलाको अवलोकन गरेको आयोजकको दाबी छ ।
यस्तै शनिबारको डान्स आइडलमा दुई जना बाहिरिएका छन् । शुक्रबारको प्रस्तुती र दर्शकको भोटका आधारमा शनिबार २ जना बाहिरिएका हुन् । यसरी बाहिरिनेमा रोहित विक र आर्जु क्षेत्री छन् । आइतबार बाँकी रहेका १३ जना प्रतिस्पर्धीबाट शनिबारको प्रस्तुती संगै दर्शकको भोटका आधारमा २ जना बाहिरिने छन् ।
बाणगंगा वेलफेयर सोसाइटीको आयोजनामा ‘युवा क्षमतामा अभिवृद्धि, पर्यटन र कृषिमा समृद्धि’ भन्ने मूल नाराका साथ महोत्सव सुरु भएको हो । पौष १ गतेसम्म हुने महोत्सवबाट ३ लाख दर्शकले अवलोकन गरी ५ करोड बराबरको आर्थिक कारोबार हुने मेला मूल आयोजक समितिका संयोजक राजकुमार खाँणले जानकारी दिनुभयो ।
यता महोत्सवमा राखिएका विभिन्न स्टल मध्ये कृषि स्टलको पनि दर्शकले अवलोकन गरेका छन् । वाणगंगा नगरपालिका भित्रका कृषकले उत्पादन गरेका विभिन्न कृषि सम्बन्धि वस्तुहरु महोत्सवमा राखिएको छ । कृषि स्टलमा कृषि सम्बन्धी जानकारी लिन चाहानेको लागि प्राविधिक ज्ञान पनि सिकाईएको छ ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया