निलो मसि 
नवलपरासी, २२ मंसिर । जिल्ला प्रहरी कार्यालय पश्चिम नवलपरासीले सुनवल नगरपालिका वडा नम्बर १२ भुमहीबाट भन्सार छलेर ल्याउदै गरेको अवस्थामा एक करोड बराबरको अबैध मालसामान बरामद गरेको छ ।
जिल्ला प्रहरी कार्यालय पश्चिम नवलपरासीका अनुसार दिल्ली–चितवन चल्ने ना ८ ख १२०३ नम्बरको यात्रुबहाक बसबाट उक्त सामान बरामद गरीएको हो । रुपन्देहीको सुनौलीस्थित बेलहिया भन्सार नाकाबाट सहजै भित्रिएको बसलाई सुराकीको आधारमा प्रहरीले भैरहवाबाट पछ्याउँदै आएको र भुमहीमा चेकजाच गर्दा उक्त अबैध मालसमान बरामद भएको प्रहरीले जनाएको छ ।
११ जना यात्रु बोकेको उक्त बसको छतमा लामो टिनको फल्ट बटम बनाएर सामान लुकाइएको थियो । बरामद भएका सामानमध्ये ८ कार्टुनमा ५० भन्दा बढी मोबाईल रहेका छन जसमा एउटा मोबाईलको मूल्य करिब ३० हजारदेखि १ लाखसम्म पर्नेे प्रहरीले जनाएको छ । बसमा १८ बोरा ट्रयासुट र ८ कार्टुन औषधि रहेका छन् । बरामद भएको औषधिमा महंगा आयुर्वेदीक औषधि रहेको प्रहरीले जनाएको छ ।
बरामद भएको सामान र बसलाई चालकसहित आवश्यक अनुसन्धानका लागि बेलहिया भन्सार कार्यालय पठाइएको जिल्ला प्रहरी कार्यालय पश्चिम नवलपरासीले जनाएको छ ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया