निलो मसि 
काठमाण्डौ – साउदी अरबको एक अदालतले पत्रकार जमाल खशाेग्गीकाे हत्यामा संलग्न पाँच जनालाई मृत्युदण्डको सजाय सुनाएको छ ।
सोमबार साउदी अरबका सरकारी अभियोजक शलान अल–शलानले भने, ‘खशाेग्गीकाे हत्यामा संलग्न भएका पाँच जनालाई मृत्युदण्डको सजाय दिइएको छ । साथै तीन जनालाई कुल २४ वर्षको जेल सजाय सुनाइएको छ ।’
खशाेग्गी हत्या प्रकरणमा साउदी अरबका क्राउन प्रिन्स मोहम्द बिन सलमानका सल्लाहकार सउद अल–खतानीसँग बुझिएको थियो तर उनीमाथि कुनै पनि आरोप लगाइएको छैन ।
उनलाई अन्तिम पटक सने २०१८ अक्टोबरमा टर्कीको इस्तानबुलमा रहेको साउदी वाणिज्यिक दूतावास बाहिर देखिएको थियो । टर्कीले साउदी अरबमाथि दूतावासमा जमाल खशाेग्गीको हत्या गरेको आरोप लगाएको थियो । तर उनको लाश त्यहाँ भेटिएको थिएन ।
साउदी अरबका अधिकारीहरुको आदेशमा खशाेग्गीको हत्या गरिएको टर्कीले आरोप लगाएको थियो । यद्यपि साउदी अरबले यो कुरालाई नकार्दै आएको थियो ।
पत्रकार जमाल खशाेग्गीको हत्यालाई लिएर अन्तर्राष्ट्रियस्तरमा नै कडा आलोचना भएको थियो ।
अमेरिकी जासुसी एजेन्सी सीआईए र पश्चिमी देशका सरकारहरुले भने साउदी राजकुमारकै आदेशमा खशाेग्गीको हत्या भएको बताएका थिए । तर साउदी अरबका अधिकारीहरुले यसमा आफूहरुको कुनै भूमिका नभएको बताएका थिए ।
खशाेग्गी हत्या प्रकरणमा टर्कीले साउदी अरबबाट १८ जना संदिग्धहरुलाई प्रत्यार्पित गर्ने कुरा पनि उठाएको थियो । तर साउदीले टर्कीको यो मागलाई खारेज गरेको थियो ।
यसै वर्षको जनवरीमा खशाेग्गी हत्या प्रकरणमा रियादमा ११ जना अभियुक्तमाथि मुद्दाको सुनुवाइ सुरु भएको थियो । गएको सेप्टेम्बरमा साउदी अरबका राजकुमार मोहम्मद बिन सलमानले सार्वजनिक रुपमा नै जमाल खशाेग्गीको हत्याको जिम्मेवारी लिँदै भनेका थिए– मेरो कार्यकालमा नै हत्या भएको हो र हत्या जिम्मेवारी म आफै लिन्छु ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया