निलो मसि 
गत पुस ५ गते साँझ घरमै बोलाएर कुटपिट गरेका प्रतिनिधिसभा सदस्य अभिषेक प्रताप शाहमाथि अझै कारबाही हुन सकेको छैन् । कृष्णनगरस्थित आफ्नै घरमा बोलाएर सांसद शाहले राप्रपा संयुक्तका केन्द्रिय सदस्य श्याम मिश्रालाई कुटपिट गरेका थिए । नेता मिश्राले आफुलाई हत्या गर्ने उद्देश्यले घरमै बोलाएर कुटपिट गर्ने सांसद शाहमाथि कानुनी कारबाहीको माग गर्दै आएपनि जिल्ला प्रहरी कार्यालय कपिलवस्तु यस विषयमा मौन जस्तै बनेको छ । नेता मिश्राले दिएको जाहेरी प्रहरीले अस्विकार गर्दै आएको छ ।
घटना घटेको ५ दिन वितिसक्दा पनि कुनै न्याय नपाएपछि नेता मिश्राका समर्थकले बुधबार झण्डै चार घण्टा चन्द्रौटा–कृष्णनगर सडकखण्ड बन्द गराएका छन । पटक पटक प्रहरीलाई जाहेरी दर्ता गर्न भने पनि नमाने पछि सडक नै बन्द गरेर न्याय माग्न परेको मिश्राका समर्थकको गुनासो रहेको छ ।
नेता मिश्राले सांसद शाहले आफ्नो हत्याको योजना बनाएको समेत खुलासा गरिसकेका छन । मायादेवी टिभीसंग कुराकानीको क्रममा मिश्राले सांसद शाहले कोठामा लगेर बन्दुक देखाउँदै कुटपिट गरेको बताएका थिए । आफुले प्रहरीलाई प्रष्ट प्रमाण दिदा पनि कुनै सुनुवाई नभएको मिश्राको गुनासो छ ।
यता इलाका प्रहरी कार्यालय कृष्णनगरले यो घटना जिल्ला प्रहरी कार्यालय कपिलवस्तुले हरेको भन्दै उम्कने गरेको छ । प्रतिनिधिसभा सदस्यसंग जोडिएको घटना भएकोले यो मुद्धा जिल्ला प्रहरी कार्यालयले नै हेरेको इलाका प्रहरीले बताउँदै आएको छ ।
कपिलवस्तुका प्रहरी उपरिक्षक दीपशम्सेर जवराले मिश्रा पक्षको जाहेरी प्रहरीले नबुझेको प्रष्ट पार्नुभयो । सामान्य कुटपिटको मुद्धालाई शरीर बन्दगी, ज्यान मार्ने उद्योग र अपहरण मुद्धा सम्बन्धि जाहेरी लिएर आएकाले प्रहरीले नबुझेको मायादेवीलाई बताउनुभयो । यो विषय सामान्य कुटपिटको भएकोले त्यसैनुसारको जाहेरी आए आफुहरुले लिने उहाँले बताउनुभयो । शाह प्रतिनिधिसभा सदस्य भएको र अहिले संसद चलिरहेकोले तत्काल नियन्त्रणमा लिन नसकिने पनि उहाँले प्रष्ट पार्नुभएको छ । यस विषयमा छलफल चलिरहेकोले छिट्टै निकास निस्कने उहाँको भनाई छ ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया