कपिलवस्तु
बैदेशिक रोजगारबाट फर्किएका नेपालीहरुको साझा संस्था रिटर्नी माइग्रेंट नेपाल कपिलवस्तुको प्रथम जिल्ला अधिवेशन कपिलवस्तुको चन्द्रौटामा सम्पन्न भएको छ । अधिवेशनले प्रेम सुनार अध्यक्ष रहेको १७ सदस्यीय नयाँ नेतृत्व चयन गरेको छ ।
जसको उपाध्यक्षमा राम प्रसाद अधिकारी, सचिव रमेश कुमार पान्डे, सह सचिव हरि बहादुर महत क्षेत्री, कोषाध्यक्षमा शंकर केसी सर्वसम्मत चयन भएका छन् । यसैगरी रिटर्नी माइग्रेंट नेपालको जिल्ला कार्यसमिति सदस्यहरुमा सूर्य बहादुर क्षेत्री, दुर्गा प्रसाद बेलबासे, गोबिन्द प्रसाद पन्थी, बिबेक क्षेत्री, दिपेन्द्र कुमार सुनार, मनिराम सुनार, टुप बहादुर सुनार र मोहन पाण्डेय चयन भएको बताइएको छ ।
प्रथम अधिवेशनमा बोल्दै प्रदेश सभा सदस्य अर्जुन कुमार केसीले विदेशबाट फर्केका युवाहरु नेपालमा लागनी गर्न प्रचुर सम्भावना रहेको बताए । उनले नेपालको जुनसुकै क्षेत्रमा लगानी गरेपनि लगानी सुरक्षित हुने बताए । विदेशमा बगाएको पसिनालाई नेपालमा सिंचित गरे राम्रो प्रतिफल प्राप्त गर्न सकिने उनले दाबी गरे ।
कार्यक्रममा शिवराज नगरपालिका नगरप्रमुख नेत्रराज अधिकारीले विदेशबाट फर्किएका युवाहरुलाई व्यवस्थापन गर्नका लागि विशेष योजना ल्याउने उद्घोष गरे । नगरप्रमुख अधिकारीले नगरपालिकाबाट विभिन्न शीर्षकमा अनुदान छुट्टाएकोले माग गरी अगाडि बढन आग्रह समेत गरे ।
रिटर्नी माइग्रेंट नेपालका केन्द्रिय अध्यक्ष उत्तम अधिकारीले राज्यले विदेशबाट फर्किएका जनशक्तिलाई नेपाल सरकारले राम्रो व्यबहार नगरेको गुनासो गरे । अध्यक्ष अधिकारीले रिटर्नी माइग्रेंट नेपालले हाइड्रोपावर निर्माण, कृषि लगानी, होटल तथा पर्यटन क्षेत्रमा लगानी गर्नका लागि योजनाका साथ आगाडि बढेको जानकारी दिए ।
प्रथम जिल्ला भेलामा कपिलवस्तुका अधिकांश बैदेशिक रोजगारबाट फर्किएका युवाहरुको सहभागिता रहेको थियो । भेलामा बोल्ने अधिकांश वक्ताहरुले युवाहरुलाई सरकारले व्यवस्थापन गर्न जोडदार माग गरे । कार्यक्रममा प्रदेश ५ का अध्यक्ष कृष्ण प्रसाद भुसाल, महासचिव सचिव प्रकाश पौडेल, डि.एल शर्मा, केशव शर्मा, नेत्र थनेत लगायतको सहभागिता रहेको थियो ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया