साउन २८ अर्घाखाँची ।
अर्घाखाँचीको भुमिकास्थान नगरपालिकाको नुवाकोटमा खुकुरी प्रहारबाट तीन जना गम्भीर घाइते भएका छन ।
भुमिकास्थान नगरपालिका वडा नम्वर ६ खमारीबासका २७ बर्षिय चिरन घर्तीले गएराती भुमिकास्थान नगरपालिका वडा नम्वर ८ लम्ची मा रहेका आफ्नै ससुरालीमा आइ खुकुरी प्रहार गरेका थिए ।
खुकुरी प्रहारवाट श्रिमती १८ बर्षिय गिता घर्ती, सासु ४३ बर्षिय भुमकला क्षेत्री र सालो ११ बर्षिय अर्जुन क्षेत्री गम्भीर घाइते भएको जिल्ला प्रहरी कार्यलयका प्रहरी नायव उपरिक्षक प्रकाश बिष्टले बताए । खुकरी प्रहार गरेर तीनै जनालाइ घाइते बनाएपछि उनी फरार रहेका छन ।
घाइते तीनै जनाको जिल्ला अस्पताल सन्धिखर्कमा उपचार हुन नसकेपछि लुम्विनी अञ्चल अस्पताल बुटबल पठाइएको थियो । बुटबलमा पनि उपचार हुन नसकेपछि तीनै जनालाइ चितवनको पुरानो मेडिकल कलेजमा पठाइएको प्रहरीले बताएको छ ।
मुख छोपेर ससुरालीमा आएका उनले परिवारमा रहेका तीनै जनालाइ खुकुरी प्रहार गरेर भागेका छन । फरार रहेका उनको खोजी भैरहेको प्रहरीले बताएको छ । स्थानीयका अनुसार श्रिमती संग केही समय यता झगडा हुदै आएको बताउको छ ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया