भुपाल थापा 
यूएई – यूएईमा गाडीको ठक्करबाट एक नेपालीको ज्यान गएको छ । ओमानबाट यूएई आउँदै गरेको लरीले ठक्कर दिंदा दार्चुलाका रमेश कामीको ज्यान गएको हो ।
सामान बोकेर तीव्र गतिमा आएको लरीले सडक पार गर्दै गरेका कामीलाई ठक्कर दिंदा घटनास्थलमै ज्यान गएको प्रत्यक्षदर्शी प्रमोद तामाङले उज्यालोलाई जानकारी दिनुभयो । हत्ताको मुजेरा सुपरमार्केट नजिकै दुर्घटना भएको हो ।
शनिबार साँझ भएको दुर्घटनाको नेपाली दूतावासले सोमबार पुष्टी गरेको छ । यूएईको क्लिन्को नामक सरसफार्इ गर्ने कम्पनीमा कार्यरत दार्चुलाका रमेश कामीको ज्यान गएको दूतावासले जनाएको छ । यसबारे थप अनुसन्धान भैरहेको र लरी चालक प्रहरीको नियन्त्रणमा रहेको कम्पनीले जनाएको छ ।
दुर्घटनाबारे जानकारी पाएलगत्तै दूतावासले कम्पनी र स्थानीय प्रहरीसँग समन्वय गर्न दूतावासका जनसम्पर्क अधिकृत (पीआरओ) खटाएको जनाएको छ ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया