भुपाल थापा 
माधव बेल्वासे
चन्द्रौटा,माघ १६
सामाजिक अभियान्ता गणेश बेल्वासेले २५ जना विद्यार्थीहरुलाई पोषाक वितरण गरेका छन् । शितगंगा नगरपालिका वडा नं. ११ दोबाटा स्थित ताराज्योती आधारभूत विद्यालयमा अध्ययनरत २५ जना विद्यार्थीहरुलाई शैक्षिक सामग्री सहित विद्यालय पोशाक वितरण गरेका छन् ।
विकास र समृद्धिको लागि युवाहरूलाई एकिकृत गरी अगाडी बढेका शितगंगा न. पा. ११ खयरभट्टी बस्ने बेल्बासेलेसरस्वती पूजाको उपलक्ष्यमा वितरण गरेका हुन् । फजुल खर्च गरेर रमाउनु भन्दा बचत गरी सकारात्मक काममा आफनो लगानी लगाउनुपर्ने उनको भनाई छ । विद्यार्थीहरुलाई वितरण गर्दै उनीले शिक्षा वाट बन्चित बालवालिकाहरुलाई शिक्षाको पहुँच सम्म ल्याउन अभिभावक सक्रिय हुनुपर्नेमा जोड दिए ।
उनले उक्त विद्यालयमा अध्यानरत वालवालिकाहरुलाई शैक्षिक सामाग्री समेत वितरण गरेका हुन् । विपन्न वर्गका मानिसहरुको बसोवास रहेको उक्त क्षेत्रका बालवालिकाहरु कपि कलम नहुँदा विद्यालय जान सक्ने अवस्था नरहेको भन्दै उनीहरुलाई प्रोत्साहन गर्न यस कार्य गरेको बताए । शैक्षिक सामाग्री र पोषाक पाएपछी विद्यार्थीहरु खुसी भएका छन् । विद्यालयका प्रअ सरस्वती पौडेलले बालवालिकाहरुप्रति गरेको यो कार्यको प्रशंसा गरेकी छिन । बेल्वासेले विद्यालयलाई अन्य समयमा पनि सहयोग गरेको भन्दै धन्यवाद समेत दिईन् । विद्यालय ब्यावस्थापन समितिका अध्यक्ष विष्णु परियारले विद्यालयको अवस्था बारे जानकारी दिदैँ विद्यालयमा सहयोग गर्ने प्रति धन्यवाद प्रकट गरे । समाजसेवि बेल्वासेले विद्यार्थीहरुको संरक्षणको लागी विगत लामो समयदेखी विभिन्न कृयाकलाप गरिरहेको भन्दै यस्ता कार्यक्रमलाई निरन्तरता दिन आग्रह गरे ।
उज्यालो सामाजिक विकास संस्थाका अध्यक्ष समेत रहेका बेल्वासेले अन्य क्षेत्रमा खर्च गर्नु भन्दा शिक्षामा लगानी गरेको त्यसको राम्रो परिणाम आउने बताए । मानिसलाई जति सम्पती भएपनि नपुग्ने भन्दै सामाजिक काम गरेर आत्मसन्तुष्टि हुने जनाए । उनीले आफु निरन्तर समाजिक क्षेत्रमा क्रियशिल रहने प्रतिवद्धता जनाए ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया