भुपाल थापा 
विजयनगरमा गाउँपालिका स्तरीय क्रिकेट प्रतियोगिता शनिवार सम्पन्न भएको छ । पुस २३ गतेबाट सुरु भएको प्रतियोगितामा १६ टीमको सहभागिता रहेको थियो । आज भएको फाईनल खेल महाराजगञ्ज क्रिकेट टीम र कपिलवस्तु क्रिकेट टीम विच प्रतिस्पर्धा भएको हो । टस जितेर व्याटिङ् रोजेको कपिलवस्तु टीमले १६ ओभरको समाप्तीमा १९८ रन बनाएको थियो । कपिलवस्तु टीमले दिएको १९९ रनको टार्गेट पछ्याउँदै मैदानमा उत्रिएको महाराजगञ्ज टीमले १२ ओभरमा जम्मा ६७ रन ल्याउँदै अल आउट भएको थियो । उत्कृष्ट प्रदर्शन गरेको कपिलवस्तु टीमले १३१ रनको भारी अन्तरले जित आफ्नो पोल्टामा पारेको छ । उत्कृष्ट बनेको कपिलवस्तु टीमले २५ हजार नगद र ट्रफी, दोस्रो भएको महाराजगञ्ज टीमले १५ हजार नगद र ट्रफी हात पारेको छ । कपिलवस्तु टीमका उत्कृष्ट खेलाडी प्रदीप म्यान अफ द सिरिज भएका छन् भने आजको फाइनल खेलको म्यान अफ द म्याच रेहान बनेका हुन् । उनले २५ बलमा ८२ रन बनाएर आफ्नो उत्कृष्ट प्रदर्शन गरेका थिए । कार्यक्रम वडा नं. ७ का वडाध्यक्ष दिनेश कुमार चौधरीको अध्यक्षता, गाउँपालिका अध्यक्ष गोपाल बहादुर थापाको प्रमुख आतिथ्यता, वडा नं.५ का वडाध्यक्ष अनवर मोहम्मद मुसलमान, लौटनराम द्रोपदी देवी माध्यामिक विद्यालयका प्रधानाध्यपक श्याम प्रकाश चौधरीको अतिथ्यतामा सम्पन्न भएको थियो ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया