भुपाल थापा 
फागुन १७ गते – विजयनगर, क.व.
कपिलवस्तुको गौतम बुद्ध साझेदारी बनको भवन निमार्णको कार्य अन्तिम चरणमा पुगेको छ । साझेदारी बनले आफ्नै लगानीमा बनको भवन निमार्ण कार्य सुरु गरेको थियो । साझेदारी बनको भवन विजयनगर गाउँपालिकाको वडा नं. ६ मा रहेको उज्ज्वलपुरमा निमार्ण भईरहेको छ ।
उक्त भवन १०% अर्थात २ लाख २१ हजार २ सय ६६ रुपियाँ बराबरको श्रमदान सहित १९ लाख ९२ हजार ८ सय ३१ रुपियाँको लगानीमा बनको भवन बनाउने काम भईरहेको छ ।
साझेदारी बनको भवन ४ कोठेसहित १ हल बन्ने भएको छ । यसै महिनामा भवन निमार्ण कार्य सम्पन्न गरिने भवन उपभोक्ता समितिका अध्यक्ष अकबर हुसेनले जानकारी दिनु भएको छ ।
बनको भवन नहुँदा कार्यालय सञ्चालन, कर्मचारी समस्या र दैनिक कामकाजको सञ्चालन र व्यवस्थापनमा निकै समस्या भईरहेको हुनाले भवन निमार्ण गरिरहेको गौतम बुद्ध साझेदारी बनका अध्यक्ष जानकी प्रसाद यादवले बताउनु भयो । भवन निर्माणपछि हरेक कामहरुको व्यवस्थापनमा सहज हुने कुरामा अध्यक्ष यादवले जोड दिनु भयो ।
यस्तै २ ओटा ताल पनि बनाउने बताउनु भएको छ । गाउँपालिकाको वडा नं. १ हनुमाननगर र नौसहरामा ताल बनाउने योजना रहेको बताउनु भयो । अतिक्रमण क्षेत्रमा वृक्षरोपण गर्ने, विरुवा उत्पादन गरी वितरण गर्ने उहाँले भन्नु भयो ।
निर्माणधीन भवनको तीनतिरै ताल रहेकाले त्यस तालहरुमा साइवरियन चरासमेत आईरहेको बताउँदै ताललाई संरक्षण गरी प्रचार प्रसार गरेमा सिमसार क्षेत्रको प्रचुर सम्भावना रहेको यादवले दावी गर्नु भयो ।
उहाँले आगामी दिनमा गेट निमार्ण गर्नुका साथै यस स्थलमा पिकनिक स्पोर्टस् समेत बनाउने लक्ष्य रहेको जिकिर गर्नु भएको छ । उक्त ठाउँ सौन्दर्यको हिसाबले मनोरम, सुन्दर र स्वच्छ वातावरण रहेकोले पर्यटकहरुका लागि उपयुक्त रहेको अध्यक्ष यादवले बताउनु भयो । यसरी पर्यटकहरुको आकर्षण बढ्दै जाने कुरामा विश्वास समेत व्यक्त गर्नु भयो ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया