भुपाल थापा 
दिपक के.सी.
कपिलवस्तु चैत्र २३
विश्वमा महामारीको रुपमा फैलिएको कोभिड १९ कोरोना भाइरसको महामारीबाट बच्न भारत र तेस्रो मुलुकबाट आउनेहरुलाई सरकारले १४ दिन सम्म क्वारेन्टाइनमा बस्न भनेको छ । यसै अनुरुप कपिलवस्तुको विजयनगर गाउँपालिकाले पनि ४ वटा क्वारेन्टाइनमा १ सय ४५ जनालाई राखेर स्वास्थ्य निगरानी गर्दै आएको छ ।
गाउँपालिकामा छिमेकी मुलकमा रोजगारीको शिलशिलामा गएकाहरुको घर फर्कने क्रम बढेसंगै क्वारेन्टाइनमा बस्नेको संख्या बढेको गाउँपालिका अध्यक्ष गोपाल थापाले बताउनु भयो । गाउँपालिकाको विभिन्न ४ ठाँउमा क्वारेन्टाइन स्थापन गरी भारत र विदेशबाट आउनेहरुलाई राखिएको अध्यक्ष थापाले बताउनु भयो । गाउँपालिका अध्यक्ष थापाका अनुसार गाउँपालिकाको वडा नं. ५ रामशरण निमाविमा ३२ क्षमताको क्वारेन्टाइनमा २९ जना पुरुष, १ जना महिला र १ बच्चा गरी ३१ जना रहेका छन । यस्तै वडा नं. १ दुधाधारी मावि गुगौलीमा ६५ जनाको क्षमताको क्वारेन्टाइनमा ६ महिला ५२ पुरुष र १ बच्चा गरी ५९ जना रहेका छन । वडा नं. ७ को लौटनराम द्रौपदी मावि गणेशपुरमा ५० जना क्षमता रहेको क्वारेन्टाइनमा १ महिला ४२ पुरुष १ बच्चा गरी ४४ जना रहेका छन । यस्तै वडा नं. ६ को हरिबोध आधारभूत विद्यालयमा २४ जनाको क्षमता रहेको क्वारेन्टाइनमा १ महिला ८ पुरुष र २ बच्चा गरी ११ जना क्वारेन्टाइनमा रहेका छन ।
आइतबार सम्म क्वारेन्टाइनमा १ सय ४५ जना रहेको र उनीहरुको स्वास्थ्य अवस्था सामान्य रहेको गाउँपालिका स्वास्थ्य शाखा प्रमुख यज्ञ प्रसाद अधिकारीले जानकारी दिनुभयो । क्वारेन्टाइनमा रहेकाहरुको नियमित स्वास्थ जाँच, सुरक्षा कर्मीबाट सुरक्षा, इन्टरनेट सुविधा ,स्वस्थकर खाना खाजाको व्यवस्था रहेको पौडेलले बताउनु भयो । क्वारेन्टाइनमा बसेकाहरुलाई सुरक्षाकर्मिले शारिरिक रुपमा व्यायाम अभ्यास पनि गराउदै आएको स्वास्थ्य शाखा प्रमुख अधिकारीले बताउनु भयो
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया