निलो मसि 
काठमाडौं : ‘प्रेम गीत ३’काे पोस्टरपछि भारत लक्षित अर्को प्रचार सामग्री सार्वजनिक भएको छ। शनिबार फिल्मको नेपाली र हिन्दी भाषा गरी दुई वटा टिजर सार्वजनिक गरिएको हो।
यसअघि मुम्बईमा एक औपचारिक कार्यक्रमको आयोजना गर्दै भारतका लागि पहिलो पोस्टर सार्वजनिक गरिएको थियो। भारतका विभिन्न सहरमा पोस्टर टाँस्दै प्रचार प्रसार थालेको फिल्मको चर्चा टिजर सार्वजनिक भएसँगै बढेको छ।
एक मिनेट लामो टिजरमा मुख्य कलाकार प्रदीप खड्का र कृस्टिना गुरुङसँगै सुनिल थापा, शिव श्रेष्ठ, मनिष राउतलगायतका कलाकार देखिएका छन्। जसमा चर्चित डबिङ कलाकार संकेत मात्रे, पूजा पन्जावी, मनोज पाण्डे, आयुषीलगायतले हिन्दी आवाज दिएका छन्।
भारतमा फिल्मका बारेमा सबैभन्दा चर्चाको बिषय बनेको छ यसको बजेट। ऐतिहासिक कथामा आधारित रहेर बनेको ‘प्रेम गीत ३’ को बजेट भारतीय दर्शकका लागि अपत्यारिलो बनेको छ।
ऐतिहासिक कथामा बन्ने भारतीय फिल्मको बजेट सामान्यतया सय करोडभन्दा माथिको हुने गर्छ। यस्तोमा ‘प्रेम गीत ३’ को बजेट ५ करोडभन्दा कम रहेको भन्दै भारतीय दर्शक अचम्ममा परेका हुुन्।
सार्वजनिक टिजरले दर्शकबाट सकारात्मक प्रतिक्रिया पाएको छ। पहिलो पटक नेपाल भारत सहकार्यमा बनेको र भारतमा पनि सँगै प्रदर्शनमा आउन लागेका कारण नेपाली दर्शक पनि उत्साहित देखिएका छन्।
स्वर्गीय छेतेन गुरुङ र सन्तोष सेनको संयुक्त निर्देशनमा बनेको फिल्म आगामी असोज ७ अर्थात सेप्टेम्बर २३ देखि प्रदर्शनमा आउँदैछ। अर्को हप्ता फिल्मको ट्रेलर सार्वजनिक गर्ने तयारीमा निर्माण टोली रहेको छ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया