भुपाल थापा 
जनकपुरधाम
जनकपुरमा लकडाउनको मौकामा सुन चाँदीको पसलमा लाखौँको गरगहना चोरी भएको छ । जनकपुरधाम उपमहानगरपालिका(८ रामानन्दचोकमा शनिबार श्याम साहले सञ्चालन गरेको महावीर ज्वेलर्सबाट छतको भेन्टिलेसन फोडेर लाखौंको गरगहना चोरी भएको हो ।
पसलमा रहेको सुन र चाँदीले बनेका सबै गरगहना र नगद समेत चोरी भएको पसलका सञ्चालक साहले जानकारी दिए । शनिबार दिउँसो पसलको छतको भेन्टिलेसन फोडेको देखेपछि प्रहरीलाई खबर गरेको साहले बताए ।
भेन्टिलेसन सानो रहेकोले त्यसमा बच्चा मात्रै प्रवेश गर्नसक्ने भन्दै उनले आफ्नो पसलमा कुनै बच्चाको प्रयोग गरेर चोरी गरिएको आशंका व्यक्त गरेका छन् । घटनाको बिषयमा अनुसन्धान सुरु गरिएको जिल्ला प्रहरी कार्यालय धनुषाले जनाएको छ ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया