भुपाल थापा 
काठमाडौं । नेपाल कम्युनिस्ट पार्टी (नेकपा) भित्रको आन्तरिक विवादले उग्र रुप लिइरहेको बेला प्रधानमन्त्री केपी शर्मा ओलीले सत्ता सहकार्यका लागि काँग्रेस सभापति शेरबहादुर देउवाको साथ मागेको खुलेको छ । ओलीले असार १७ गतेले आफैले र आइतबार (आज) आफ्नो निकटस्थ नेतामार्फत देउवासँग भेट गरेर काँग्रेसको साथ माग्नुभएको हो ।
आज बसेको काँग्रेस केन्द्रीय समिति बैठकमा वरिष्ठ नेता रामचन्द्र पौडेलले ओलीसँगको भेट र सत्ता सहकार्यबारे समाचारहरुमा आएको विषयबारे प्रश्न गरेपछि सभापति देउवाले ओलीसँग भएको भेटवारे ब्रिफिङ गर्नुभएको हो ।
आज दिउँसो पार्टी कार्याल सानेमामा बसेको बैठकमा देउवाले ओली र ओलीका निकटस्थहरु सँगको भेटबारे ब्रिफिङ गर्नुभएको हो । सो क्रममा देउवाले ओलीसँग संसद अधिवेशन अन्त्यअघि टेलिफोटमा कुराकानी भएको तथा बालुवाटारमा पनि भेटवार्ता भएको बैठकलाई जानकारी गराउनुभयो ।
कुराकानीका क्रममा प्रधानमन्त्रीले आफ्नो पार्टीको समस्या राख्नुका साथै साथ दिनुपर्छ भनेको र आफूले पनि पार्टीमा छलफल गर्छु भनेर जवाफ दिएको देउवाले बताउनुभयो । तर, गणतन्त्रलाई नै खतरामा पार्नेगरी जानुभयो भने त्यो स्वीकार्य हुँदैन भनेर आफूले स्पष्ट भनेको पनि उहाँले बैठकमा सुनाउनुभएको नेताहरुको भनाइ छ ।
यस्तै आज पनि काँग्रेस संसदीय दलको कार्यालयमा नेकपा नेता सुवासचन्द्र नेम्वाङसँग आफ्नो छलफल भएको भन्दै सभापति देउवाले सो छलफलमा पनि नेम्वाङले पार्टीभित्र समस्या देखिएकाले सहयोग मागेको जानकारी गराउनुभयो ।
सो क्रममा सत्ता सहकार्यको प्रस्ताव नेम्वाङबाट आएको जानकारी गराउँदै देउवाले यो विषयमा आफूले केही जवाफ नदिएको बताउनुभयो । नेम्वाङले केन्द्रीय समिति बैठकमा संसद स्थगितको विषयलाई नचर्काइदिन समेत आफूसँग आग्रह गरेको देउवाको भनाइ थियो ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया