‘दल फुटाउन सकिन्छ कि भनेर भारतले आसा गर्नु वेकार छ, संशोधन हुन्छ’

काठमाडौँ । नेकपाका नेता एवं संसदीय दलका उपनेता सुवास नेम्वाङले नेपालमा नेताहरुको विवादका कारण संविधान संशोधनको विषय स्थगित भयो भनेर छिमेकी मुलुकले ढुक्क भएर बस्ने अवस्था नरहेको बताउनुभएको छ । उहाँले नेपाल सरकारले जारी गरेको नयाँ नक्सालाई वैधानिकता दिनका लागि संसदमा दर्ता भएको संविधान संशोधनको विधेयक चाडै पारित हुने भन्दै यसप्रति भारतले राखेको चासोमा धन्यवाद दिनुभयो ।

नेपाली रेडियो नेटवर्कको नेपाली बहशमा पत्रकार ऋषि धमलासँग कुरागर्दै उपनेता नेम्वाङले नेपालमा गणतन्त्रको संस्थागत विकास भइरहेको र राजनीतिक आर्थिक परिवर्तनका लागि अब कसैले आन्दोलन गर्नुपर्ने अवस्था नरहेको बताउनुभयो । उहाँले नेपालको इतिहासमा पहिलो पटक जनताको संविधान संविधानसभाबाट बनेकाले आवस्यकता अनुसार संविधानको परिवर्तन गर्न सकिने विषय सामान्य भएको बताउनुभयो । २०४७ सालको संविधान जस्तो यो संविधान नभएको नेम्वाङको तर्क छ ।

उहाँले सरकारले संविधान संशोधनका लागि संसदमा विधेयक दर्ता भएको र सवै राजनीतिक दलको समर्थन रहेकाले कुनै विवाद नरहेको बताउनुभयो । अब सरकारले यो प्रक्रिया अगाडी बढाउने भन्दै नेम्वाङले संशोधनपछि भारतसँग छलफल गर्ने र यसमा संका नगर्न र राजनीतिक दलहरुले यो विषयमा थप छलफल गनरुन भनेर हिजोको बैठमा कार्यसूचीबाट हटाइएको बताउनुभयो ।

उहाँले भारतले वार्ताको मिति सार्दै आएपनि सरकारले प्रयास जारी राख्ने बताउनुभयो । भारतसँग अविचलित रुपमा वार्ताको प्रस्तामा जान्छौ भन्दै उहाँले भारतीय प्रधानमन्त्रीसँग वार्ताको प्रयास भएको हो र समय पनि तयार भएको हो तर, एक घण्टा अघि खबर आयो र वार्ता हुन नसक्ने जानकारी गराइएको बताउनुभयो । भारतीय प्रचारले नेपालीलाई एक बनाएको भन्दै प्रतिपक्षको केन्द्रीय समितिको वैठक बस्न नसकेको र उसले केन्द्रीय समितिको बैठकबाट निर्णय गरेपछि संशोधन हुने बताउनुभयो ।

उहाँले भन्नुभयो,‘ यो प्रस्तावबाट सरकार र कुनैपनि दलहरु पछि हट्ने अवस्थामा छैन् । ७० वर्षको राजनीतिक लडाइबाट दलहरुले धेरै कुरा बुझेका छन् । जनताले पनि बुझेका छन् । अब आफ्नो थैली बलियो बनाउने समयहो । हल्लाको पछि नलागौ । हामी राष्ट्रियताका विषयमा कुनै पनि दल अलग छैनौ । हामी एकता बद्ध छौ । यो सरकारलाई कसैको दवावले काम गर्ने वाला छैन । त्यसमा पनि विपक्षीदल सहितका सवै दलहरु एकठाउमा छन् । यसका लागि सवै जाती भाषा,धर्म र दलहरु एक ठाँउमा आउनुपर्छ’ ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…