आजको स्थायी कमिटी बैठकमा पनि प्रधानमन्त्रीको उपस्थिति अनिश्चित

नेपाल कम्युनिष्ट पार्टी (नेकपा) को स्थायी कमिटीको बैठक आज दोस्रो दिन पनि जारी रहने छ । आजको बैठक बिहान ११ बजेदेखि नै प्रधानमन्त्री निवास बालुवाटारमा शुरू हुनेछ । आजको बैठकमा पनि प्रधानमन्त्री उपस्थित हुन नहुने निश्चित भएको छैन ।

१० असारमा उद्घाटन गरिएको स्थायी कमिटी बैठक हिजोदेखि एजेण्डामा छलफल गर्दै सुचारु भएको हो । हिजोको बैठकमा सीमाका विषयमा सदस्यहरूले आफ्नो धारणा राखेका थिए । प्रधानमन्त्री बैठकमा उपस्थित नभएको भन्दै नेकपाभित्र विरोध भइरहेको छ ।

स्थायी कमिटीको बैठकमा कुन–कुन विषयमा छलफल गर्ने भन्ने कार्यसूची नै बनाइएको छ। सो कार्यसूचीमा नै रहेर हिजोदेखि सदस्यहरूले बोल्ने क्रम शुरू भएको हो । हिजोको बैठकमा १८ जना सदस्यले आफ्नो धारणा राखेका थिए । नेकपाले बनाएको कार्यसूचीमा एमसीसी परियोजनाको छलफललाई भने अन्तिमतिर राखिएको छ ।

आजको बैठकमा सीमाका विषयमा बाँकी सदस्यहरूले धारणा राखेपछि कोभिड–१९ रोकथाम नियन्त्रण र उपचारमा सरकारले गरेको काम, सरकारको समग्र कामको समिक्षा लगायतका विषयमा छलफल केन्द्रित हुने सदस्यहरूले बताएका छन ।

रोचक

सबै

• 

  ” #मेरोभरौल” -कविता

  अशोज ७, २०७७

• 

  गर्लफ्रेन्ड भाडामा पाईने देश

  चैत्र ११, २०७६

थारु भाषाको “दिल जिगर तुहि धडकन” अडियो म्युजिक सार्वजनिक ।।

माघ १४, २०७६

राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…