भुपाल थापा 
सत्तारुढ दल भित्र चरम विवाद भइरहेका बेला प्रधानमन्त्री केपी शर्मा ओलीले प्रतिपक्षी दल नेपाली काँग्रेसका सभापति शेरबहादुर देउवासँग भेटेकोप्रति धेरैले चासो राखेका छन् । भेटमा भएको कुराकानीका बारेमा सभापति देउवाले आज बस्ने केन्द्रीय समितिको बैठकमा जानकारी दिनुहुने नेता गोपालमान श्रेष्ठले बताउनुभयो ।
सभापति देउवासहितका नेताहरुका बीचमा हिजो भएको छलफलमा समेत सहभागी हुनुभएका श्रेष्ठले ओलीसँगको भेटमा भएको कुराकानी बारे देउवाले केन्द्रीय समितिमा जानकारी दिने बताउनु भएको हो । नेकपामा विवाद भइरहेका बेला गत १७ गते राती उहाँहरुको भेटवार्ता भएपनि छलफल भने पार्टीका बारेमा नभएको देउवाले बताएको श्रेष्ठले जानकारी दिनुभयो ।
पार्टी फुटाउनु पर्ने अवस्था आएमा आफ्नो समर्थन हुने भनेर देउवाले ओलीलाई भनेको भन्ने हल्ला काल्पनीक भएको श्रेष्ठको दावी छ ।
उहाँले भन्नुभयो, “पार्टी सम्वन्धी कुनै कुरा भएको होइन, नेकपाको आन्तरिक विवादको विषयमा काँग्रेसको कुनै भूमिका हुदैन र हुनुहुन्न ।”
उहाँले ओली र देउवाका बीचमा संवैधानिक परिषद्को नियुक्तीको बारेमा कुरा भएको बताउनुभयो ।
प्रधानमन्त्री ओलीले आफुलाई भारतले हटाउन खोजेको र त्यसमा आफ्नो पार्टीका नेताहरु पनि संलग्न भएको भनेर भन्नु नै आत्मघाती भएको टिप्पणी गर्नुभयो । उहाँले भन्नुभयो, “ओलीजीले आफ्नो खाल्डो आफै खन्नु भएको हो, प्रधानमन्त्री जस्तो व्यक्तिले त्यस्ता कुरा गर्नुहुदैन, भन्नु हुदैन, उहाँले बोलेका धेरै कुरा हामीलाई पनि ठिक लागेको छैन ।”
नेता श्रेष्ठले एउटा पार्टी फुट्दैमा संविधान समाप्त हुन्छ भन्ने कुरा वाईघात भएको बताउदै संविधान नेकपाले समाप्त पार्न खोजेपनि काँग्रेसले जोगाउने दावी गर्नुभयो ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया