भुपाल थापा 
काठमाडौं । पटक पटक स्थगित हुदै आएको नेकपा स्थायी कमिटिको बैठक आजका लागि पनि बोलाइएको छ । तर बैठक सुचारु हुने वा नहुने भन्ने बारेमा भने अहिलेसम्म पनि अन्यौलता नै रहेको नेताहरुले बताएका छन् ।
बैठकलाई कसरी अगाडी बढाउने भन्ने बारेमा नेकपाका अध्यक्षद्धय केपी शर्मा ओली र पुष्पकमल दाहाल प्रचण्ड बीच अहिले केहीबेरमा छलफल हुन लागेको छ ।
प्रधानमन्त्री निवास बालुवाटारमा हुन लागेको बैठकमा स्थायी कमिटि बैठकपटक पटक स्थगित गर्दा नराम्रो सन्देश गएकाले अगाडी बढाउने की टुङ्ग्याउने भन्ने बारेमा छलफल हुन लागेको जनाइएको छ ।
ओली र प्रचण्डका बीचमा छलफल हुनुअघि प्रचण्ड निवास खुमलटारमा बरिष्ठ नेता माधवकुमार नेपाल र प्रचण्डका बीचमा छलफल भएको छ ।
उहाँहरुले प्रचण्डले ओलीसँग गर्ने छलफल र स्थायी समितिलाई के गर्ने भन्ने बारेमा छलफल गर्नु भएको जनाइएको छ । प्रचण्ड नेपाल समूहको दवावमा बोलाइएको बैठकलाई उनीहरुले तत्काल अन्त्य गर्ने पक्षमा छैनन भने प्रधानमन्त्री ओली बैठकलाई अन्त्य गर्ने पक्षमा रहनु भएको छ ।
प्रधानमन्त्री ओलीले पटक पटक बैठकमा सहभागीता नजनाएपछि बैठक अर्थहिन हुदै आएको छ ।एक महिनाभन्दा अगाडी शुरु भएको बैठक अहिलेसम्म नौ पटक स्थगित भइसकेको छ । शिर्ष नेताहरुको टकरावका कारण स्थायी कमिटि बैठक अन्यौलमा परेको छ भने शिर्ष नेताहरुको गुट बैठकले तिव्रता पाएको छ ।
स्थायी कमिटिको बैठक आज पनि विहान ११ बजेपछि बस्नेगरी बोलाइएको छ । शिर्ष नेताहरुका बीचमा दुरी थप बढ्दै गएकोले बैठक आज पनि बस्ने संभावना कम रहेको एक नेताले नेपाली रेडियो नेटवर्कलाई जानकारी दिएका छन् ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया