निलो मसि 
दाङ : लमहीस्थित एक मस्जिदमा दुई समूहबीच कुटाकुट भएको छ। कुटाकुटबाट आठजना घाइते भएका छन्। दुई समूहबीच अन्धाधुन्ध आक्रमण हुँदा एकजना गम्भीर घाइते भएका छन् भने सातजना सामान्य घाइते भएको वडा प्रहरी कार्यालय लमहीका प्रहरी प्रमुख प्रहरी निरीक्षक पुष्पराज थापाले जानकारी दिए।
शुक्रबार दिउँसो करिब एक बजे लमहीका स्थानीय मुस्लिम समुदायले सुनन्त फैजाने रजा मस्जिदमा नमाज पढिरहेका वेला त्यही भीडबाट चक्कु र इँटा प्रहार भएको प्रहरीले जानकारी दिएको छ। घाइतेमध्ये एकजनाको टाउको गम्भीर चोट लागेको छ।
चक्कु र इँटा प्रहारबाट लमही नगरपालिका-५ निवासी ६४ वर्षीय गुठे कुरेसी, सोही वडा निवासी ३३ वर्षीय अरसद अली, सवविर अली, ५२ वर्षीय मोहम्मद कासिम, २९ वर्षीय सकिल अली, ६५ वर्षीय दिल मोहम्मद मिया, २५ वर्षीय कमाल अली, ४२ वर्षीय मोहम्मद याकदिन अलि घाइते भएको प्रहरीले जनाएको छ।
घाइतेहरूमध्ये चारजनाको लमही अस्पतालमा उपचार भइरहेको छ भने अन्य चारजनाको जानकी मेडिकलमा उपचार भइरहेको छ। लमहीमा रहेको मदरसाको व्यवस्थापन समितिको विषयलाई लिएर दुई समूहबीच झडप भएको बुझिएको छ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया