निलो मसि 
काठमाडौं: काठमाडौंको गोकर्णेश्वर ५ स्थित नारायणटारमा एक व्यक्तिलाई खुकुरी प्रहार गर्ने तीन जनालाई प्रहरीले नियन्त्रणमा लिएको छ।
काठमाडौंका एसपी दिनेश मैनालीका अनुसार काभ्रेपलाञ्चोकको मण्डन देउपुर नगरपालिका ६ घर भई जोरपाटी बस्ने ३० वर्षका शरण पोखरेल, सिन्धुपाल्चोकको हेलम्बु नगरपालिका ४ का २० वर्षीय सुजन श्रेष्ठ र सोही ठाउँका २२ वर्षीय कविराज तामाङ पक्राउ परेका हुन्।
उनीहरूले गत बुधबार नारायणटारमा मादकपदार्थ सेवन गरी एकआपसमा झगडा गरी सिन्धुपाल्चोकको साँगाचोकगढी नगरपालिका ८ घर भई कपन बस्ने धनबहादुर श्रेष्ठलाई खुकुरी प्रहार गरेका थिए। सूचना पाएलगत्तै प्रहरी वृत्त बौद्धको टोली घटनास्थल पुग्दा टाउकोमा चोट लागेको अवस्थामा फेला पारी श्रेष्ठलाई उपचारको लागि अस्पताल पठाएको थियो।
प्रारम्भिक अनुसन्धानबाट विवाहको पार्टीमा भएको सामान्य झगडामा श्रेष्ठलाई खुकुरी प्रहार गरी तीनै जना भागेको प्रहरीले जनाएको छ।
प्रहरीले उनीहरूको साथबाट प्रहरीले एक थान खुकुरीसमेत बरामद गरेको छ। पक्राउ परेकाहरूविरुद्ध मुलुकी अपराध (संहिता) ऐन, २०७४ अनुसार ज्यान सम्बन्धी कसूर मुद्दामा काठमाडौं जिल्ला अदालतबाट पाँच दिनको म्याद लिएर प्रहरी वृत्त बौद्धबाट थप अनुसन्धान भइरहेको छ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया