निलो मसि 
तुलसी सापकोटा / सरिता खनाल२१ जेष्ठ, २०८१
काठमाडौँ । प्रतिनिधि सभाको बैठकमा आर्थिक वर्ष २०८१/०८२ को राजश्व र व्ययको वार्षिक अनुमान (बजेट) माथिको सामान्य छलफल जारी रहेको छ ।
बजेटमाथिको छलफलमा भाग लिँदै नेपाली कांग्रेसका सांसद धनराज गुरुङले करको भार नथपी करको दायरा बढाएर राजस्व वृद्धि गर्न सकिने बताउनुभयो ।
उहाँले गैरकानुनी कारोवारहरुलाई बन्द गर्न सकियो भने सोचे भन्दा धेरै राजस्व बढाउन सकिने, गाजा खेतीलाई औषधीजन्य वस्तुका रुपमा विकास र जडीबुटी उत्पादनमा जोड दिएर अर्थ उपार्जन गर्न सकिने बताउनुभयो ।
नेकपा एमालेका सांसद रघुजी पन्तले बजेट कार्यान्वयनमा जान सक्छ की सक्दैन भन्ने कुराले बजेट कति प्रभावकारी छ भन्ने देखाउने भन्दै बजेटले राखेका लक्ष्य र उद्देश्य पुरा हुनुपर्नेमा जोड दिनुभयो ।
उहाँले ठूला र महत्वपूर्ण आयोजनाहरू पुरा गर्ने तर्फ बजेटले जोड दिनुपर्ने, कृषि, महिला बालबालिका लगायतका क्षेत्रको बजेट घटाउन नहुनेमा सुझाव समेत दिनुभयो ।
नेकपा माओवादी केन्द्रका सांसद महिन्द्र राय यादवले नेपाली जनताको तीव्र विकासको आकाङ्क्षा र चाहना पुरा गर्ने गरी आएको बजेट यर्थापरक, सन्तुलित र व्यवहारिक रहेको बताउनुभयो ।
राष्ट्रिय स्वतन्त्र पार्टीका सांसद अशोक कुमार चौधरीले बजेट आकर्षक भएपनि कार्यान्वयन भएन भने त्यसको औचित्य नहुने भन्दै बजेटलाई आर्थिक अनुशासनमा राखेर कार्यान्वयनमा लैजान आग्रह गर्नुभयो ।
राष्ट्रिय प्रजातन्त्र पार्टीका प्रमुख सचेतक ज्ञानबहादुर शाहीले हिमाली जिल्लामा असारमा आएको बजेटले काम गर्न नसकिने भएकाले हिमाली जिल्लाका लागि समयको छुट्टै व्यवस्था गर्न माग गर्नुभयो ।
छलफलमा सांसदहरु शेरबहादुर कुवर, विरेन्द्र प्रसाद महतो, प्रकाश अधिकारी, लालवीर चौधरीलगायतले बजेटको प्रभावकारी कार्यान्वयनमा जोड दिन सुझाव दिनुभएको छ ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया