निलो मसि 
काठमाडौँ : नेकपा (माओवादी केन्द्र) का राष्ट्रियसभा सदस्य झक्कुप्रसाद सुवेदीले आफूहरूको बलिदानीबाट आएको संविधानका कारण रवि लामिछाने, मेयर बालेन्द्र साह र हर्क साम्पाङको उदय भएको दावी गरेका छन्।
रास्वपा अध्यक्ष रवि, काठमाडौँका मेयर बालेन्द्र र धरानका मेयर हर्कको उदय नयाँ संविधानका कारण भएको बताउँदै जनता पुराना पार्टीसँग रिसाएर नयाँ राजनीतिक दल आएको भन्ने कुरा सत्य नभएको दावी गरे।
मंगलवारको राष्ट्रियसभा बैठकमा बोल्दै उनले यस्तो बताएका हुन्। उनले यस्तो तथ्यलाई अहिले हल्लाले छोपेको बताए। उनले पुराना पार्टीप्रतिको निराशाले उनीहरूको उदय भएको नभई नयाँ संविधानले उनीहरूलाई जन्माएको बताए। उनले जनताको शिर उठाउने गणतन्त्र र समानुपातिक निर्वाचन प्रणालीले लामिछाने, बालेन र हर्कहरूलाई निर्वाचित गरेको बताए।
सुवेदीले भने, ‘कसैले के भन्छन् भने नयाँ पार्टी आए। किन नयाँ पार्टी आए रे भने जनता पुराना पार्टीसँग रिसाएर नयाँ पार्टी आयो रे तर मलाई त्यस्तो लाग्दैन। हामी समस्या आइसकेपछि समाधान खोज्नेतिर जानुपर्छ। तथ्यलाई अहिले हल्लाले छोपेको छ। तथ्यले के भन्छ भने बालेन आए, हर्क आए, रविहरू आए तर उनीहरूले भोट पाए, चुनाव जिते पुराना पार्टीहरूसँगको निराशाले होइन। बालेन, हर्क र रविहरू नयाँ संविधानले जन्माएका हुन्। यदि यो संविधान हाम्रो ठूलो बलिदानबाट आउँदैनथ्यो भने रवि, बालेन र हर्कहरूको यहाँ उपस्थिति देखिँदैनथ्यो।’
उनले गणतन्त्रले जनताको शिर उठाएको दावी गरे।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया