भुपाल थापा 
काठमाडौँ । जनता समाजवादी पार्टीका शीर्ष नेता महेन्द्रराय यादवले सरकारको नेतृत्व पूर्णरुपले असफल भइसकेकाले सत्तारुढ दल नेकपाले यो विषयमा तत्कालै निर्णय गर्न आवस्यक भएको बताउनुभएको छ । उहाँले प्रधानमन्त्री केपी शर्मा ओलीकै कम्जोरीका कारण नेपालको छाविमाथि नै प्रश्न उठिसकेको दावी गर्नुभयो ।
नेपाली रेडियो नेटवर्कको नेपाली बहसमा पत्रकार ऋषि धमलासँग कुरागर्दै यादवले आफु असफल हुदै गएपछि भारतलाई सत्रु देख्न थालेको र भारतसँगको पुरानो सम्बन्ध शुन्यमा पुर्याएको भन्दै यस्ता असफल प्रधानमन्त्रीलाई सत्तामा राखिरहनुको औचित्य सकिएको दावी गर्नुभयो । देश चलाउन नसक्ने प्रधानमन्त्रीको जनतालेनै राजीनामा मागिसकेकाले यो विषयमा नेकपा गम्भिर बन्नुपर्ने अवस्था आएको उहाँको धारणा छ ।
एकै समुदायको जनतामाथि समेत ओलीबाट भेद्भाव भएको भन्दै नेता यादवले भारतसँग सम्बन्ध बढाएर वार्ता अगाडी बढाउनुपर्ने ठाउँमा उल्टै आफुलाई हटाउन भारतले षडयन्त्र गरिरहेको छ भन्नुले प्रधानमन्त्रीको दिमागले काम गरिरहेको छैन भन्नेकुरा देखाएको टिप्पणी गर्नुभयो ।
नागरिकता विधेयकले मेधेशको अपमान गरेको भन्दै यादवले भन्नुभयो,‘ नागरिकता विधेयक मेधशी जनता विरुद्ध गएको छ । यो त्रुटि भयो । सात वर्षपछि मात्र अंगिकृत नागरिकता दिने कुरा मान्य छैन । संविधानसभाको चुनावमा मधेशी जनतालाई सहभागि गराउनका लागि सवै दलले सहमति गरेर २०६३ को संविधान बनाएको हो । हामीले विधेयक खारेज गर्नुपर्छ भनेको छैनौ । सच्याउनु पर्छ भनेको हो ।’
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया