निलो मसि 
कृष्णनगर, ९ फागुन ।
कपिलवस्तु जिल्ला अन्तर्गत कृष्णनगर नगरपालिका-२ स्थित सिमानाका दशगजा क्षेत्रमा संयुक्त रूपमा सरसफाई कार्यक्रम सम्पन्न भएको छ । नेपाल-भारत सीमा क्षेत्रमा पर्ने उक्त दशगजा क्षेत्रमा नेपाल प्रहरी, सशस्त्र प्रहरी बल नेपाल, सशस्त्र सीमा बल,भारतीय सशस्त्र प्रहरी बल, निर्वाचन सुरक्षा प्रहरी, स्थानीय जनप्रतिनिधि तथा विभिन्न संघ-संस्थाको सक्रिय सहभागितामा कार्यक्रम भएको हाे ।
कार्यक्रमका क्रममा सीमा क्षेत्रमा थुप्रिएको फोहोर संकलन, झाडी सफाइ तथा वातावरणीय सरसफाईका गतिविधि सम्पन्न गरिएको आयोजक पक्षले जनाएको छ । सीमा क्षेत्रको स्वच्छता कायम राख्दै दुवै देशबीचको सहकार्य र आपसी सम्बन्ध थप सुदृढ गर्ने उद्देश्यले कार्यक्रम आयोजना गरिएको बताइएको छ ।
स्थानीय बासिन्दाले यस्ता संयुक्त कार्यक्रमले वातावरण संरक्षणका साथै सीमा क्षेत्रको व्यवस्थापनमा सकारात्मक सन्देश जाने विश्वास व्यक्त गरेका छन् । आयोजकहरूले आगामी दिनमा पनि यस्ता सामाजिक तथा जनचेतनामूलक कार्यक्रमलाई निरन्तरता दिने प्रतिबद्धता व्यक्त गरेका छन् ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया