निलो मसि 
कपिलवस्तु क्षेत्र नम्बर ३ मा जारी मतगणनाअन्तर्गत महाराजगंज नगरपालिका वडा नम्बर ५, ६ र ७ को मतगणना सम्पन्न भएको छ। हालसम्म कुल ५ हजार ६५२ मत गणना हुँदा ३१८ मत बदर भएको निर्वाचन अधिकृतको कार्यालयले जनाएको छ।
हालसम्मको मतपरिणाम अनुसार नेपाली कांग्रेसका उम्मेदवार अभिशेष प्रताप शाह अग्रस्थानमा रहेका छन्। उनले २ हजार २३० मत प्राप्त गरेका छन्।
उनका निकटतम प्रतिस्पर्धी नागरिक उन्मुक्ति पार्टीका इश्वर दयाल मिश्रा रहेका छन्। मिश्राले १ हजार ४५९ मत प्राप्त गरेका छन्।
यसैगरी नेकपा एमालेका विरेन्द्र कनोडियाले ७०५ मत पाएका छन् भने राष्ट्रिय स्वतन्त्र पार्टीका प्रकाश रजौरियाले ६४१ मत प्राप्त गरेका छन्। नेकपा तारा पार्टीका एहसान खानले १०२ मत प्राप्त गरेका छन्।
हालको मतपरिणाम अनुसार नेपाली कांग्रेसका अभिशेष प्रताप शाह नागरिक उन्मुक्ति पार्टीका इश्वर दयाल मिश्राभन्दा ७७१ मतले अगाडि रहेका छन्।
बाँकी वडाको मतगणना जारी रहेको निर्वाचन अधिकृतको कार्यालयले जनाएको छ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया