निलो मसि 
विजयनगर, ९ चैत्र ।
कपिलवस्तु जिल्लाको विजयनगर गाउँपालिका-३ उदयपुर क्षेत्रमा प्रहरीले बेवारिसे अवस्थामा रहेको खैर जातको काठ बरामद गरेको छ । इलाका प्रहरी कार्यालय गणेशपुर र प्रहरी चौकी पत्थरदेहियाबाट खटिएको संयुक्त प्रहरी टोलीले सोमबार साँझ करिब ६ बजेतिर उक्त काठ फेला पारेको हो ।
प्रहरीका अनुसार पत्थरदेहिया प्रहरी चौकीबाट करिब २ किलो मिटर पश्चिम-दक्षिणतर्फ पर्ने भित्री सडक खण्डको किनारमा काठ वेवारिसे अवस्थामा राखिएको थियो ।
बरामद गरिएको काठ सानो-ठूलो गरी करिब १ सय गोलिया रहेको छ । उक्त काठकाे तौल अन्दाजी २५ क्विन्टल रहेको प्रहरीले जनाएको छ । उक्त काठको अनुमानित मूल्य करिब २ लाख रुपैयाँ बराबर रहेको बताइएको छ ।
जिल्ला प्रहरी कार्यालय कपिलवस्तुका प्रहरी नायब उपरीक्षक रिपेन्द्र कुमार सिंहका अनुसार बरामद काठ आवश्यक कारबाहीका लागि शिवगढी सब-डिभिजन वन कार्यालय कपिलवस्तुमा पठाइएको छ । उक्त विषयमा थप अनुसन्धान भइरहेको प्रहरीले जनाएको छ ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया