निलो मसि 
घनश्याम भर
(विजयनगर) कपिलवस्तु, १३ असार ।
कपिलवस्तुको विजयनगर गाउँपालिका-२ मा सञ्चालन गरिएको ३५ दिने बारिष्टा तालिम सम्पन्न भएको छ । वडा कार्यालयको सहयोग तथा एस.पि.एस.ए. कम्प्युटर इन्स्टिच्युटको प्राविधिक सहयोगमा सञ्चालित तालिमको समापन गरिएको वडाका कर्मचारी प्रवेज आलम खानले जानकारी दिए ।
वडाभित्रका २० जना युवायुवतीलाई लक्षित गरी सञ्चालन गरिएको तालिममार्फत कफी तयारी, ग्राहक सेवा, आतिथ्य सत्कार तथा व्यावसायिक सीप सम्बन्धी व्यवहारिक ज्ञान प्रदान गरिएको थियो ।
समापन कार्यक्रमलाई सम्बाेधन गर्दै वडा अध्यक्ष नेपाल चौधरीले युवाहरुलाई सीपसँग जोडेर रोजगारी तथा स्वरोजगारका अवसर सिर्जना गर्न यस्ता तालिम प्रभावकारी हुने बताए । उनले प्राप्त सीपलाई व्यवहारमा उतारेर आत्मनिर्भर बन्न सहभागीहरुलाई आग्रह गरे ।
यस्तै वडा सदस्य नितु दर्जीले तालिमबाट सिकेका ज्ञान र सीपलाई आयआर्जनसँग जोड्नुपर्नेमा जोड दिँदै अवसरको सदुपयोग गर्न सुझाव दिइन् ।
यसैगरी वडा सचिव सराेज तिमिल्सैनाले युवाहरुलाई सीपयुक्त बनाई स्वरोजगारतर्फ उन्मुख गराउने उद्देश्यले तालिम सञ्चालन गरिएको बताए । सहभागीहरुले तालिमबाट प्राप्त ज्ञान तथा सीप भविष्यमा रोजगारी र व्यवसाय सञ्चालनमा उपयोगी हुने विश्वास व्यक्त गरे ।
एस.पि.एस.ए. कम्प्युटर इन्स्टिच्युटका प्रमुख सुबास यादवले तालिमले सहभागीहरुलाई बारिष्टा पेशासम्बन्धी व्यावसायिक दक्षता हासिल गर्न सहयोग पुगेको बताए । बारिष्टा तालिकाका सिकारुहरुलाई प्रमाण-पत्र वितरण गरिएको उनले बताए ।
कार्यक्रममा वडा सदस्य सहरु भर, साेमई केवट, वडा कार्यालयका कर्मचारी, प्रशिक्षक तथा प्रशिक्षार्थीहरुको उपस्थिति रहेको थियो ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया