भुपाल थापा 
कपिलबस्तु, फाल्गुण १ ।
स्वास्थ्य प्रवर्द्धन सेवालाई प्रभावकारी र जनमुखी बनाउनका लागी मिडियाकर्मीको भूमिका महत्वपूर्ण रहेको स्वास्थ्य निर्देशनालय लुम्बिनी प्रदेशका स्वास्थ्य शिक्षा निर्देशक भरत बहादुर कुँवरले बताएका छन् । अहिले सम्म राज्यले समेत उपचारात्मक सेवालाई मात्र प्राथमिकतामा राखेकाले अब निरोधात्मक सेवालाई जोड दिनुपर्ने उनले बताए ।
स्वास्थ्य निर्देशनालय लुम्बिनी प्रदेशको आयोजनामा कपिलबस्तुका संचारकर्मी र स्वास्थ्यकर्मीहरुका लागि स्वास्थ्य प्रवद्र्धन सेवा सम्बन्धी पैरवी कार्यक्रममा उनले यस्तो बताएका हुन् । अहिले अस्वस्थ जीवनशैलीका कारण मानिसहरु नसर्ने रोगको भागिदार भईरहेको कुवँर बताउछन् । हाम्रो जीवनशैली आरामदायी बन्दै गएको छ, उनले भने– मानिस निरोगी हुनका लागी दैनिक शारीरिक व्यायाम, आराम, सन्तुलित आहारको सन्तुलन मिलाउन आवश्यक छ ।
उनले डाक्टरको भन्दा पनि पत्रकारले लेखेका कुरामा आमजनताले छिटो बिश्वास गर्ने र त्यसैका पछि आमजनता लाग्ने हुँदा सर्वसाधारणलाई भ्रमित हुने र स्वास्थ्यसङ्ग प्रत्यक्ष जोडिएका कुरा सहि सत्यतथ्य रुपमा सर्वसाधारण माझ पुर्याउन कार्यक्रममा उपस्थित मिडियाकर्मीलाई आग्रह समेत गरे ।
यस्तै कपिलबस्तु नगरपालिकाले स्वास्थ्य सम्बन्धि गरेको काम र आगामी योजनाको बारेमा स्वास्थ्य शाखाका प्रमुख उमेश गुप्ताले जानकारी गराए । नसर्ने रोगको अवस्था अहिले विकराल बन्दै गएको गुप्ता बताउँछन् । उनले मुटु, प्रेसर जस्ता नसर्ने रोग अहिले घातक बनेको भन्दै त्यसबारेमा पैरवी तथा उपचारलाई प्राथमिकता दिइएको बताए ।
मानिस निरोगी हुन दैनिक शारीरिक व्यायाम, आराम, सन्तुलित आहारको सन्तुलन मिलाउन आवश्यक रहेको स्वास्थ्यकर्मी बताउँछन् । उनले कपिलबस्तुमा रहेका स्वास्थ्य संस्थाहरुको संख्या र अवस्था, खोप, पोषण, सुरक्षित मातृत्व कार्यक्रम, परिवार नियोजन कार्यक्रमको वर्तमान अवस्था लगायतका बारेमा जानकारी गराएका थिए । कपिलबस्तु नगरपालिका स्वास्थ्य शाखाबाट भएका स्वास्थ्य सम्बन्धि सेवा र सचेतनाका कार्यक्रमबारे गुप्ताले प्रष्ट पारेका थिए ।
नेपाल पत्रकार महासंघ कपिलबस्तुका अध्यक्ष किरणमान बज्राचार्यले स्वास्थ्य प्रबर्द्धनका लागि मिडियाले पैरवी गरिरहेको बताए । उनले स्वास्थ्य प्रबर्द्धन सेवालाई अगाडि बढाउन महासंघ समन्वय र सहकार्य गर्न तयार रहेको बताए ।
कार्यक्रममा कपिलबस्तु नगरपालिकाका सिनियर अनमी निरीक्षक उमा थापा, ७ वटा स्वास्थ्य चौकीका प्रमुख, ५ वटा आधारभूत स्वास्थ्य चौकी प्रमुख, १ नगर स्वास्थ्यका प्रमुख लगायतको उपस्थिती रहेको थियो ।
भुपाल थापा 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया