निलो मसि 
एक खेलअगावै नेपाल सेमिफाइनल पुग्ने दाउमा
काठमाडौँ : एसीसी प्रिमियर कप क्रिकेटमा हङकङले नेपालसामु जितका लागि ११५ रनको मध्यम लक्ष्य तेर्स्याएको छ।
ओमानको अल अमिरात मैदानमा जारी खेलमा टस जितेर नेपालले फिल्डिङ गर्ने निर्णय लिएपछि पहिले ब्याटिङमा तानिएको हङकङ १७ ओभर ५ बलमा अलआउट हुँदै ११४ रनमै समेटियो।
हङकङका लागि अन्श्या रथले सर्वाधिक ३४ तथा जिशान अलीले १४ रन जोडे पनि अन्य ब्याटरले सम्झन लायक प्रदर्शन गर्न सकेनन्।
बलिङतर्फ अविनाश बोहराले सर्वाधिक ३ विकेट लिए। दिपेन्द्रसिंह ऐरी र ललितनारायण राजवंशीले २/२ विकेट लिँदा करण केसीले एक विकेट हात पारे।
पानी परेका कारण खेललाई १८ ओभरमा झारिएको थियो। नेपालले अतिरिक्त ८ रन दिएको थियो।
११५ रनको लक्ष्य पछ्याएको नेपालले अहिले जवाफी ब्याटिङ गरिरहेको छ।
ताजा अवस्थामा नेपालले ४ ओभरको खेल सकिँदा ५१ रन बनाएर खेलिरहेको छ। कुशल भूर्तेल ३० रन र आसिफ शेख २० रनमा खेलिरहेका छन्।
आजको खेल जित्दै नेपाल एक खेल खेल्नुअघि नै सेमिफाइनलमा प्रवेश गर्न चाहन्छ।
नेपालले पहिलो खेलमा मलेशियालाई ५ विकेट र दोस्रो खेलमा कतारलाई ३२ रनले पराजित गरेको थियो।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया