निलो मसि 
कपिलवस्तु, १६ माघ ।
रोट्रयाक्ट क्लब अफ कपिलवस्तुको आयोजनामा शिवराज नगरपालिका वडा नं. ४ स्थित बालहंस साङ्गवेद संस्कृत गुरुकुल पाठशाला, खरेन्द्रपुरमा अध्ययनरत बटुकहरूलाई खाद्यान्न तथा शैक्षिक सामग्री वितरण गरिएको छ । चेम्बर अफ कमर्स कपिलवस्तुका महासचिव, रोट्रयाक्ट क्लब अफ कपिलवस्तुका पास्ट प्रेसिडेन्ट तथा हालका लिगल एडभाइजर रोट्रयाक्टर गोपाल बन्जाडेको जन्मदिनको अवसर पारेर उक्त कार्यक्रम आयोजना गरिएको हो ।
.क्लबका अध्यक्ष प्रकाश चौधरीका अनुसार सामाजिक उत्तरदायित्वलाई आत्मसात गर्दै बन्जाडेको जन्मदिनलाई सेवामूलक कार्यमार्फत मनाउने उद्देश्यले खाद्यान्न तथा शैक्षिक सामग्री वितरण गरिएको हो । सामाजिक सेवामा सक्रिय रहँदै आएका बन्जाडे विभिन्न सामाजिक संघ-संस्थामा आबद्ध रहँदै समाजसेवामा योगदान दिँदै आइरहेका छन् ।
उनको जन्मदिनको अवसरमा आयोजित कार्यक्रममा गुरुकुलमा अध्ययनरत बटुकहरूलाई दैनिक आवश्यक खाद्यान्न सामग्रीसँगै कापी, कलमलगायत शैक्षिक सामग्री प्रदान गरिएको थियो ।
कार्यक्रममा शिवराज नगरपालिका वडा नं. ३ का वडा अध्यक्ष टेकलाल सापकोटा, वडा नं. ४ का वडा अध्यक्ष नसिम अहमद खान, रोटरी क्लब अफ कपिलवस्तुका प्रेसिडेन्ट रोटरियन युवराज पौडेल, क्लबका पास्ट प्रेसिडेन्टद्वय रोटरियन टिएन गैरे र रोटरियन विष्णु माया गैरे, नेपाल पत्रकार महासंघ कपिलवस्तुका सचिव सनीउल्ला धोबी, आश्रमका प्रधानाध्यापक चुरामणि पोखरेललगायतको उल्लेखनीय उपस्थिति रहेको थियो ।
कार्यक्रममा बोल्दै प्रमुख अतिथि वडा अध्यक्ष टेकलाल सापकोटाले यस्ता सामाजिक तथा शैक्षिक सहयोग कार्यक्रमले समाजमा सकारात्मक सन्देश जाने बताउँदै रोट्रयाक्ट क्लबको कार्यको प्रशंसा गरे । साथै उनले सामाजिक संस्थाहरूले शिक्षा र संस्कृतिको संरक्षणमा खेलेको भूमिका महत्वपूर्ण रहेको धारणा व्यक्त गरे ।
कार्यक्रम रोट्रयाक्ट क्लब अफ कपिलवस्तुका अध्यक्ष प्रकाश चौधरीको अध्यक्षतामा सम्पन्न भएको थियो । क्लबका लिगल एडभाइजर गोपाल बन्जाडेले स्वागत मन्तव्य राख्नुभएको कार्यक्रम संयोजक सन्तोष पौडेलले धन्यवाद ज्ञापन गरेका थिए भने कार्यक्रमको सञ्चालन क्लब सचिव राजेन्द्र बोहोराले गरेका थिए ।
रोट्रयाक्ट क्लब अफ कपिलवस्तुले आगामी दिनहरूमा पनि यस्तै सामाजिक तथा शैक्षिक कार्यक्रमहरू निरन्तर सञ्चालन गर्ने प्रतिबद्धता जनाएको छ ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया