निलो मसि 
कृष्णनगर, १८ फागुन ।
कपिलवस्तु जिल्ला निर्वाचन क्षेत्र नं. २ मा प्रतिनिधि सभा सदस्यका लागि यसपटकको चुनावी प्रतिस्पर्धा निकै रोचक र बहुआयामिक बनेको छ । प्रमुख दलका उम्मेदवारहरूबीच कडा टक्कर देखिएको छ भने मत विभाजन निर्णायक बन्न सक्ने संकेत देखिएका छन् ।
नेपाली काँग्रेसबाट रुख चिन्ह लिएर उम्मेदवारी दिएका सुरेन्द्रराज आचार्य यसअघि झिनो मतान्तरले निर्वाचित भएका थिए । तर यसपटक उनको जनाधार अघिल्लो चुनावको तुलनामा कमजोर देखिएको विश्लेषण गरिएको छ । जनताका अपेक्षा अनुसार मन्त्री भएर पनि काम गर्न नसकेको आरोपका कारण मतदातामा असन्तुष्टि बढेको बताइन्छ ।
यसैबीच राष्ट्रिय स्वतन्त्र पार्टीबाट घण्टी चिन्ह लिएर उम्मेदवारी दिएका पूर्व एसएसपी बिक्रम सिंह थापा मैदानमा उत्रिएपछि प्रतिस्पर्धा थप रोचक बनेको छ । काँग्रेसप्रति असन्तुष्ट मत तान्ने प्रयासमा रहेका थापाको उम्मेदवारीले आचार्यको मतमा प्रभाव पार्ने आँकलन गरिएको छ । यद्यपि उनीमाथि विगतमा लागेका विभिन्न आरोपका कारण मतदातामा पूर्ण विश्वास स्थापित हुन नसकेको चर्चा छ ।
उता नेपाली कम्युनिष्ट पार्टीबाट तारा चिन्ह लिएर उम्मेदवारी दिएका बृजेश कुमार गुप्ता यस पटक बलियो दाबेदारका रूपमा देखिएका छन् । गत प्रतिनिधि सभा निर्वाचनमा झिनो मतान्तरले उपविजेता बनेका गुप्ता पूर्व मन्त्रीसमेत हुन् । आफ्नो कार्यकालमा विभिन्न विकास निर्माणका काम अघि बढाएको दाबी गर्दै आएका उनीप्रति यसपटक सकारात्मक जनमत देखिएको स्थानीय राजनीतिक विश्लेषकहरूको भनाइ छ ।
त्यस्तै नेपाल कम्युनिष्ट पार्टी (एमाले) बाट उम्मेदवारी दिएका दिर्घ नारायण पाण्डेप्रति भने उल्लेख्य जनआकर्षण नदेखिएको टिप्पणी गरिएको छ । पटक-पटक पार्टी परिवर्तन गरेको पृष्ठभूमिका कारण मतदातामा विश्वासको कमी देखिएको बताइन्छ । समग्रमा हेर्दा कपिलवस्तु-२ मा त्रिपक्षीय प्रतिस्पर्धा देखिएको छ ।
काँग्रेस र राष्ट्रिय स्वतन्त्र पार्टीबीचको सम्भावित मत बाँडफाँटले नेपाली कम्युनिष्ट पार्टीका गुप्तालाई लाभ पुग्न सक्ने अनुमान गरिएको छ । अन्तिम परिणाम भने मतदाताको निर्णयमा निर्भर रहनेछ ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया