निलो मसि 
कृष्णनगर, ३ चैत्र ।
कपिलवस्तुकाे शिवराज नगरपालिका वडा नम्बर ७ मा कृषक सम्मान कार्यक्रम सम्पन्न भएको छ । कार्यक्रममा वडाभित्रका २ सय कृषकलाई दाेसल्ला ओढाएर सम्मान गरिएको वडा कार्यालयले जनाएको छ । यसै अवसरमा कृषकहरुलाई तरकारीका विभिन्न बिउसमेत वितरण गरिएको हो ।
वडा अध्यक्ष अनुप कुमार चौधरीले कृषकहरूलाई लौका, भिण्डी, करेला र बोडी लगायतका तरकारीका बिउ समेत उपलब्ध गराइएको बताए । कृषि क्षेत्रको विकासमा योगदान पुर्याउने कृषकहरूको मनोबल उच्च बनाउने उद्देश्यले कार्यक्रम आयोजना गरिएको बताइएको छ ।
कार्यक्रममा वडा अध्यक्ष चौधरीले कृषक अर्थतन्त्रको मेरुदण्ड भएको बताउँदै कृषकहरुकाे सम्मान र प्रोत्साहन बिना कृषि क्षेत्रको विकास सम्भव नहने बताए । उनलेे यस्ता कार्यक्रमले कृषकहरूलाई अझ उत्पादनमुखी बनाउन मद्दत पुग्ने विश्वास लिएको जिकिर गरे ।
कार्यक्रममा स्थानीय जनप्रतिनिधि तथा कृषकहरूको उल्लेख्य सहभागिता रहेको थियो । सहभागीहरूले यस प्रकारका कार्यक्रमले कृषकलाई थप प्रेरित गर्ने बताएका छन् ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया