निलो मसि 
कपिलवस्तु साउन २५
बुद्ध जन्मस्थल लुम्बिनीको पवित्रता र अध्यात्मिकता फैलाउन भगवान बुद्धको जीवनी र उपदेश पुस्तक प्रकाशन गरिएको छ । भगवान गौतम बुद्धलाई नजिकबाट जानेर शान्ति, करुणा, मैंत्री र भातृत्व जगाई जीवन र जगतलाई सार्थक बनाउन पुस्तक बाहिर ल्याइएको हो । पुस्तकको अखिल नेपाल भिक्षु महासंघ अध्यक्ष भिक्षु मैंत्री महास्थवीर र प्रदेशसभा सदस्य फकरुद्दिन खानले विमोचन गर्नुभयो ।
उक्त कार्यक्रममा बोल्दै भिक्षु महासंघ अध्यक्ष भिक्षु मैंत्री महास्थवीरले ३ दशक यता लुम्बिनीमा एउटा राम्रो कामको सुरुवात गर्न पाएकामा गौरवान्वित भएको बताउनु भयो । यस्ले सबैमा धर्मचच्छु पलाई समाज र परिवारका लागि सकारात्मक विकासका परिवर्तन देखिने बताए ।
प्रदेशसभा सदस्य फकरुद्दिन खानले चारैतिर अशान्ति र द्वण्द्व बढीरहेका बेला पुस्तकले सबैलाई समाजपयोगी र शान्तिप्रेमी बनाउन उत्प्रेरित गर्ने बताए । पुस्तक लुम्बिनी आउने सबैलाई निःशुल्क वितरण गरिनेछ । मायादेवी मन्दिरको प्रमुख प्रवेश द्वार शान्ति द्विप निर स्टल राखेर दैनिक विहानदेखि साझसम्म वितरण गरिनेछ । पुस्तक नेपाली भाषामा छ ।
६ महिनापछि चिनिया र अंग्रेजी भाषामा प्रकाशन गरिने छ । सरल भाषामा सबैले बुझने गरी पुस्तक प्रकाशन गरिएकोछ । सारिपुत्त फाउण्डेसन, लुम्बिनीद्वारा प्रकाशित पुस्तकमा भगवान बुद्धको जीवनी र उपदेश सचित्र र संक्षिप्त रुपमा प्रकाशित छ ।
७० पेजको पुस्तकमा राजकुमार सिद्धार्थको जन्म, वाल्यकाल र विवाहको प्रशंग छन् । त्यस्तै गृह त्याग, ज्ञानको खोजी र बुद्धत्व प्राप्तिका कुरा उल्लेख गरिएकोछ । त्यस्तै बुद्धको धर्मदेशना, कपिलवस्तु आगमन र महापरिनिर्वाणका घटनापनि पुस्तकमा संलग्न छन् ।
सारिपुत्त फाउण्डेसन अध्यक्ष भन्ते सुमंगलोले पुस्तकले हाम्रो साझा धरोहर लुम्बिनीप्रति सबै नेपालीमा आस्था र आकर्षक बढाउने बताए । ‘यसले हाम्रो समाजलाई राम्रो बाटोमा डो¥याउने शिक्षा पनि दिन्छ’ उनले भने जसले गर्दा नेपाल र नेपाली विश्वकै लागि आस्थाका केन्द्र बन्छन् ।
पुस्तकमा श्रव्यका साथै पर्याप्त स्केच गरिएका दृष्य चित्रहरु पनि छन् । यसले पुस्तकलाई बुझन र अध्ययन गर्न सहज बनाउने वरिष्ठ पुरातत्वविद् वसन्त विडारीले बताए ।
पुस्तकमा मगध सम्राट अशोक बुद्धप्रति किन आकर्षित भए, उनको परिवार धर्म प्रचार गर्दागर्दै कहा–कहा पुगे ? भन्ने कुरा उल्लेख छ । बुद्ध कथा र बुद्ध देशित ३८ मंगल र ४ भावना पनि उल्लेखित छ । सुरुमा २० हजार प्रति छापिएकोछ । ६ महिनापछि एक लाख प्रति छापिने बताइएको छ ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया