निलो मसि 
जनकपुरधाम : छठ पर्वको मौका छोपेर व्यापारीले अधिकांश सामानको मूल्य वृद्धि गरेका छन्।
चाडपर्वको मौका छोपेर बजार भाउ आकासिएको छ। जसका कारण उपभोक्ताहरू मारमा परेका छन्। जनकपुरको पीडारी चोकमा छठ पर्वको लागि सामग्री खरिद गर्न पुगेका सतीशलाल कर्णले छठ पर्वमा पूजाको लागि चाहिने केरादेखि कागती सम्मको मूल्य बढेको सुनाए।
कर्णले अरु बेला पाँच रुपैयाँ गोटा पाउने कागती अहिले २० रुपैयाँ पुगेको बताए। छठमा चाहिने सामग्री किन्नको लागि बिहानदेखि बेलुकासम्म बजारमा व्रतालुको भीड निकै नै बढेको छ।
छठ पर्वमा चाहिने आवश्यक सामग्री केरा, उखु, भान्टा, दूध, माटोको हात्ती, ढकनी, केराउ, नरिवल, मिठाइ, चना, ठेकुवा, कसार, कागती र अदुवालगायत खरिद गर्नेको संख्या उल्लेख्य छ।
अहिले केरा घरीको पाँचदेखि आठ सय सम्म बिक्री भएको व्यापारीहरू बताउँछन्। साथै उखु गोटाको १५ रुपैयाँमा बिक्री भएको व्यापारीको भनाइ छ। छठ पर्वमा केराको सिँगै घरी नै प्रसादको रुपमा चढाउनु पर्ने भएकाले हुँदा केराको अत्यधिक माग छ।
तिहार तथा छठलाई लिएर जिल्लास्थित विभिन्न व्यपारिक केन्द्रहरुमा अहिले केराको व्यापार बढेको छ। शनिवार मात्रै धनुषाको क्षीरेश्वरनाथ नगरपालिकाको सखुवा बजारमा लाखौ रुपैयाँको केराको व्यापार भएको केराका एक ठेक्केदारले बताए।
विगतको तुलनामा यस वर्ष केराको मूल्यमा अत्याधिक वृद्धि भएको छ। महेन्द्रनगर बजारमा मागअनुसार आपूर्ति नभएकोले केराको मूल्य ह्वात्तै वृद्धि भएको संजीप साहले बताए।
देशका विभिन्न ठाउँहरूमा केरा खेती गरिए पनि आपूर्ति गर्न नसक्दा भारतबाट केरा मगाएको फलफूल तथा तरकारी व्यवसायी समिति जनकपुरका अध्यक्ष वीशेश्वर यादवले बताए।
उनले छठ पर्वलाई लक्षित गर्दै जनकपुरधाममा ३५ ट्रक केरा भारतबाट भित्रिएको जानकारी दिए। यादवले गत वर्षभन्दा फलफूलको मूल्य २५ प्रतिशतले बढेको बताए।
तिहार र छठको बेला सबैले केरा खरिद गर्ने भएकाले केराको मूल्य आकासिएको क्षीरेश्वरनाथ उद्योग वाणिज्य संघका अध्यक्ष सुरेश यादवले बताए। गत वर्षको तुलनामा यस वर्ष केराको मुल्य करिब ३० देखि ४० प्रतिशत वृद्धि भएको छ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया