निलो मसि 
काठमाडौं : नेपाल प्रज्ञा प्रतिष्ठानको ३६ औँ प्राज्ञसभाले चालु आर्थिक वर्षका लागि २५ करोड ४६ लाख रुपैयाँको बजेट तथा कार्यक्रम तर्जुमा गरेको छ। कोभिड–१९ महामारीका कारण नेपाल सरकारको बजेट कटौती तथा प्रतिष्ठानको आन्तरिक आम्दानीमा कमी आएका कारण उक्त रकम मात्रको बजेट तथा कार्यक्रम पारित गरिएको हो।
प्रतिष्ठानका कुलपति गंगाप्रसाद उप्रेतीको अध्यक्षतामा आइतबार भएको सभामा सदस्य सचिव प्रा. जगतप्रसाद उपाध्यायले उक्त बजेट तथा कार्यक्रम प्रस्तुत गरेका थिए। सभामा गत आर्थिक वर्षको यथार्थ आय १७ करोड ५७ लाख ६७ हजार र व्यय १७ करोड २० लाख ७८ हजार रुपैयाँसहित कार्यक्रमिक गतिविधिको विवरण प्रस्तुत गरिएको थियो।
प्राज्ञसभा सदस्य शशी लुमुम्बुका अनुसार बैठकले वरिष्ठ साहित्यकार डा. तारानाथ शर्मालाई गत साउन १ गते र कवि नरेश शाक्यलाई गत भदौ १ गतेदेखि लागु हुने गरी आजीवन सदस्यता दिने निर्णयको अनुमोदन गरिएको छ। डा. वीरेन्द्रप्रसाद मिश्रलाई मानार्थ प्राज्ञ सदस्यता दिने निर्णय पनि अनुमोदन भएको छ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया