निलो मसि 
बुटवल। प्रधानमन्त्री कप राष्ट्रिय क्रिकेटको लुम्बिनी प्रदेशस्तरीय छनोट खेलमा बर्दियाले कपिलवस्तुलाई १ विकेटले पराजित गरेको छ । भैरहवास्थित सिद्धार्थ रंगशालामा ४० ओभरमा छोट्याइएको खेलमा टस जितेर पहिले ब्याटिङ गरेको कपिलवस्तु ३१।२ ओभरमा सबै विकेट गुमाएर १०८ रनमै समेटिएको थियो। उसका लागि आकाश त्रिपाठीले ३० र अमृत पौडेलले २६ रन बनाए पनि अन्य ब्याट्सम्यानले दोहोरो रन जोड्न सकेनन् ।
८ ओभर बलिङ गरेका बर्दियाका निर्मल गुरुङले ४ मेडन राख्दै १४ रन खर्चेर ४ विकेट लिए । उनी खेलमा म्यान अफ द म्याच समेत भए । यस्तै, विशालविक्रम केसी र रविस बर्माले २–२ तथा सुमित श्रेष्ठ र समिर आचार्यले समान १–१ विकेट लिए ।
जवाफी ब्याटिङ गरेको बर्दियाले २९।३ ओभरमा ९ विकेटको क्षतिमा १०९ रन बनाउँदै जित निकाल्यो । उसको जितमा सुमित श्रेष्ठले २८, विशालविक्रम केसीले २७ र विवेक न्यौपानेले १४ रन जोडे । बलिङमा कपिलवस्तुका राज अग्रहरिले ४, महेश भरले ३ र आकाश त्रिपाठीले १ विकेट लिन सफल भए ।
आइतबारको खेल मौसमका कारण ५० ओभरबाट ४० ओभरमा छोट्याइएको थियो । पुस अन्तिम साताबाट हुने प्रधानमन्त्री कपका लागि लुम्बिनी प्रदेशस्तरीय टिम बनाउन छनोट खेल भइरहेको छ । लुम्बिनी प्रदेशको प्रादेशिक क्रिकेट संघको आयोजनामा भइरहेको छनोट खेल पुस २१ गतेसम्म चल्नेछ भने ७ जिल्ला सहभागी छन् ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया