निलो मसि 
कपिलवस्तु – कपिलवस्तुको महाराजगंज नगरपालिकामा तेस्रो नगरस्तरीय राष्ट्रपति रनिङ्ग शिल्ड तथा मेयर कप प्रतियोगिता सुरु भएको छ । नगर खेलकुद विकास समितिको आयोजनामा विहिबारबाट सुरु भएको प्रतियोगिता तिन दिन सम्म सञ्चालन हुने छ । कार्यक्रमको उद्घाटन गर्दै महाराजगंज नगर पालिकाका नगर प्रमुख अब्दुल कलामले खेलकुदलाई प्राथमिकतामा राखेर नगरपालिकाले चालु आर्थिक वर्षको वजेटमा विभिन्न खेलकुद प्रतियोगिता आयोजनाका लागि बजेट छुट्टयाएको बताउनु भयो ।
खेलकुद स्वास्थ्यसँग पनि जोडिएकाले नगरपालिकाले खेलकुदलाई विशेष महत्व दिएको उल्लेख गर्नु भयो । खेलकुद राष्ट्को समृद्धिसंग जोडिएको भन्दै खेलकुदले देशको अर्थतन्त्रको पनि विकास गरेको बताउनु भयो ।
त्यस्तै कार्यक्रममा बोल्दै प्रमुख प्रशासकिय अधिकृत रविन्द्र चौधरीले विद्यार्थीहरुको शैक्षिक बिकासका लागि मात्र नभई शारीरिक बिकासमा जोड दिनुपर्ने बताउनु भयो । खेल जित्नु मात्र ठूलो कुरा नभएर अनुशासन पुर्व खेल प्रदर्शन गर्नु ठूलो कुरा भएको बताउनु भयो ।
नगर भित्रका खेलकुद प्रतिभाको खोजि गर्दै संरक्षण, संवद्र्धन र प्रवद्र्धन गरी राष्ट्रनिर्माण र खेल विकाशमा खेलाडिको भुमिका सवल हुने बताउनु भयो ।
स्थानीयस्तरमा रहेका खेल प्रतिभालाई उजागर र खेलाडीलाई प्रोत्साहन गर्ने उद्देश्यले रनिङ शिल्ड तथा मेयर कप प्रतियोगिता कार्यक्रम
फागुन २८ गतेसम्म सञ्चालन हुने शिक्षा शाखा प्रमुख रेस्मी राज अर्यालले बताउनु भयो । प्रतियोगितामा नगरका सामुदायिक र निजी गरी १२ विद्यालयका खेलाडीहरुल भलिबल , कबड्डी , यस्तै, एथलेटिक्सअन्तर्गत महिला पुरुष दौड लगायतका खेलमा प्रतिस्पर्धा गर्ने बताईएको छ ।
प्रतियोगिताको पहिलो दिन आज विद्यार्थीहरुले मार्च पास गरेका थिए । प्रतियोगिताको उद्घाटन कार्यक्रमको अवसरमा विद्यार्थीहरुले सांस्कृतिक नृत्य समेत प्रदर्शन गरेका थिए ।उद्घाटन समारोह महाराजगन्ज नगरपालिका शिक्षा शाखा प्रमुख रेस्मी राज अर्यालको अध्यक्षता , महाराजगंज नगर पालिकाका नगर प्रमुख अब्दुल कलामको प्रमुख आतिथ्यता, उप प्रमुख सुभावति कुर्मि ,प्रमुख प्रशासकिय अधिकृत रविन्द्र चौधरी ,वडा अध्यक्षहरुलगायतको सहभागिता रहेको थियो ।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया