निलो मसि 
पर्वत : गण्डकी प्रदेशको राजधानी पोखरामा भइरहेको नवौँ राष्ट्रिय खेलकुद प्रतियोगिताको महिला हकी प्रतियोगितामा गण्डकी प्रदेशले विजयी शुरुवात गरेको छ।
गण्डकी बोर्डिङ स्कुल लामाचौर पोखराको मैदानमा बिहीबार शुरु भएको प्रतियोगिताको उद्घाटन खेलमा गण्डकीले प्रदेश १ लाई ७–० अन्तरले पराजित गर्दै विजयी शुरुवात गरेको हो।
गण्डकीका तर्फबाट सोनु बरालले १३ औँ मिनेटमा गोलको खाता खोलेकी थिइन्। त्यसको दुई मिनेटपछि नै सबिना पुन रानाले गोल गर्दै अग्रता दोब्बर पारिन्। गण्डकीले दोस्रो क्वार्टरमा अझै आक्रामक खेल्दै २ गोल थप्यो। खेलको १७ औँ र २६ औँ मिनेटमा कमला पुनले गोल गर्दै गण्डकीका लागि स्कोर बढाइन्।
खेलको तेस्रो क्वार्टरमा गण्डकीले २ गोल थप्यो। खेलको ३४ औँ मिनेटमा सोनु बरालले १ गोल गरिन् भने कमलाले ४२ औँ मिनेटमा खेलमा व्यक्तिगत तेस्रो गोल गरिन्। अन्तिम क्वार्टरमा गण्डकीको तर्फबाट दीपशिखा पौडेलले ५५ औँ मिनेटमा गोल थपिन्।
यसअघि उद्घाटन खेल बागमती प्रदेश र सुदूरपश्चिम प्रदेशबीच हुने भनिए पनि जर्सी नआइपुगेपछि गण्डकी प्रदेश र प्रदेश १ बीच प्रतिस्पर्धा गराइएको थियो। दोस्रो खेलमा बागमती र सुदूरपश्चिम अहिले खेलिरहेका छन्। ७ टिम सहभागी रहेको प्रतियोगितामा दैनिक २ खेल हुनेछन्।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया