सनिउल्ला धोबी
कपिलवस्तु भद्रा १५
कपिलवस्तुको शिवराज नगरपालिकाको भवन निर्माणको विरुद्धमा जिल्ला अदालत कपिलवस्तुमा मुद्धा दायर भएको छ । शिवराज नगरपालिकाको निमार्णधिन भवन गैरकानुनी रुपमा सार्वजनिक जग्गा अतिक्रमण गरी बनाउन लागेको भन्दै मुद्धा दयार गरीएको हो । स्थानिय हरि प्रसाद पोख्रेल, कृष्ण कुमार चौधरी, मो तोफिक खा, मोहिताव खान, र रविदत्त मिश्रले नगरपालिकालाई विपक्षी बनाई मुद्धा दायर गरेका हुन ।
शिवराज नगरपालिकाका प्रमुख प्रशासकिय अधिकृत शेषकान्त पौडेल, शिवराज नगरपालिका मेयर र निमार्ण कम्पनी कैलाश एण्ड कम्पनी प्राली नाममा उनिहरुले मुद्धा दायर गरेका हुन ।
शिवराज नगरपालिका वडा न ५ रहटकोल क्षेत्रमा रहेको वगौचालाई नष्ट गरी भवन बनाउन लागेको भन्दै हरि प्रसाद पोख्रेल, कृष्ण कुमार चौधरी, मो तोफिक खा, मोहिताव खान, र रविदत्त मिश्रले जिल्ला अदालत कपिलवस्तुमा मुद्धा दिएको जनाएका छन ।
स्थानियहरुले निशुल्क जग्गा दिदादिदै पनि गैरकानुनी रुपमा भवनको लागी टेण्डर गर्नु गलत भएको स्थानिय हरि पोख्रेलले वताए । शिवराज नगरपालिकामा विभिन्न समयमा निशुल्क जग्गा उपलव्ध गराउने भन्दै ज्ञापन पत्र वुझाउदा पनि कुनै वास्ता नगरी आफ्नो मनोमानी गरेको आरोप लगाएका छन ।
शिवराज नगरपालिकाको भवन निमार्णको लागी गत वर्षनै जग्गा उपलव्ध गराउने प्रतिवद्धता जनाएका थिए । नगरपालिकाले आफ्नो भवन नभएकोले उक्त क्षेत्रमा भवन निमार्ण गर्न डि पि आर को काम सम्पन्न भएको छ भने ठेक्का कैलाश एण्ड कम्पनी प्राली सग सम्झौता भइसकेको छ । शिवराज नगरपालिकाको कार्यपालिकाको निर्णय अनुसार १० करोडमा उक्त भवन वन्न लागेको हो ।
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया