निलो मसि 
काठमाडौँ : राजधानीमा जारी प्रधानमन्त्री कप एकदिवसीय पुरुष क्रिकेट प्रतियोगितामा कर्णाली प्रदेशले कोशी प्रदेशलाई पराजित गरेको छ।
मूलपानीस्थित माथिल्लो क्रिकेट मैदानमा आज (मंगलवार) भएको खेलमा कर्णालीले कोशी प्रदेशलाई ६ विकेटले पराजित गर्यो।
यससँगै तेस्रो जित हासिल गरेको कर्णालीले ६ खेलपछि ६ अंक जोडेको छ। ७ खेल खेलेको कोशी प्रदेश अहिलेसम्म अंकविहीन छ।
कोशीले प्रस्तुत गरेको १५२ रनको लक्ष्य कर्णालीले २८ ओभर ३ बलमा ४ विकेट गुमाउँदै पूरा गर्यो।
कर्णालीका लागि अर्जुन घर्तीले ४८ बलमा ६ चौका र २ छक्काको मद्दतमा अविजित ५० रन बनाए। विपीन शाहीले २८ रन, हिमांशु शाहीले अविजित २४ रन, निश्चल रावलले २१ रन तथा कप्तान रवीन्द्र शाहीले १२ रन बनाए।
कोशीका लागि हेमन्त राईले ३ विकेट लिए भने कमल खत्रीले १ विकेट झारे।
टस हारेर पहिले ब्याटिङको निम्तो पाएको कोशीले ३४ ओभर ३ बलमा अलआउट हुँदै १५१ रन बनाएको थियो। उसका लागि सुजन थपलियाले ७३ बलमा ८ चौका र ४ छक्काको मद्दतले ७३ रन बनाए। सौजन घिमिरेले १२ रन तथा आइश भट्टराईले ११ रन बनाए।
कर्णालीका लागि दिनेश अधिकारीले ४ विकेट लिए भने प्रकाश जैसीले ३ र दिवान पुनले २ विकेट लिए।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया