निलो मसि 
ध्रुवसागर शर्मा
बेनी : म्याग्दीको रघुगंगा गाउँपालिका–७ चिमखोलामा टिपर दुर्घटना हुँदा एकजनाको मृत्यु भएको छ भने तीनजना घाइते भएका छन्।
शनिवार विहान करिब ९ बजे जलविद्युत् आयोजनाको सिमेन्ट ढुवानी गरेर घ्यासीखर्कदेखि फर्कने क्रममा लु २ ख ६११२ नम्बरको टिपर चिमखोलाको घैराबारीस्थित सडकबाट खसेर दुर्घटनामा परेको थियो।
दुर्घटनामा परेर ज्यान गुमाएका व्यक्ति, सवारीसाधन र निर्माण उपकरणहरूको मर्मत गर्ने मिस्त्री भएको खुले पनि नाम र ठेगाना नखुलेको जिल्ला प्रहरी कार्यालय म्याग्दीले जनाएको छ।
टिपर दुर्घटनामा घाइते चालक सहित तीनजनाको चिमखोला स्वास्थ्यचौकीमा उपचार भइरहेको र थप उपचारका लागि हेलिकप्टरमार्फत पठाउने तयारी भएको रघुगंगा गाउँपालिका–७ का वडाध्यक्ष थकबहादुर पाइजाले जानकारी दिए।
उनले दुर्घटनामा परेका सबै जलविद्युत् आयोजनामा काम गर्नेहरू रहेको र स्थानीय कोही पनि नरहेको जानकारी दिए। दुर्घटनामा परेको टिपर तुन्दी पावर कम्पनीको जलविद्युत् आयोजनाको ठेकेदार कम्पनी रामेछाप शेर्पा कन्ट्रक्सनमा निर्माण सामग्री ढुवानी गर्ने रहेको खुले पनि मृतक र घाइतेको पहिचान नखुलेको जनाइएको छ।
दुर्घटनामा परेका घाइतेलाई स्थानीय बासिन्दा, प्रहरी र नेपाली सेनाको टोलीले उद्धार गरी उपचारका लागि चिमखोला स्वास्थ्यचौकीमा पुर्याएका छन्।
निलो मसि 
राम अवतार चौधरी कपिलवस्तु, १४ माघ । गायक उत्तम चौधरी र अन्नु चौधरीको सुमधुर सांगीतिक स्वरमा सजिएको “दिल जिगर तुहि…
प्रतिक्रिया